चन्द्रागिरी हिल्सको ब्रह्मलुट, पाइलैपिच्छे ठगिन्छन् सर्वसाधारण ! (फलोअप नम्बर १)
Powered by Blogger.
चन्द्रागिरी हिल्सको ब्रह्मलुट, पाइलैपिच्छे ठगिन्छन् सर्वसाधारण ! (फलोअप नम्बर १)

  • अर्थ सरोकार सम्बाददाता 
काठमाडौँ -  अहिले काठमाडौँमा केहि कुराको बढी चर्चा छ भने एउटा लोकमानसिह कार्की प्रकरण, अर्को चन्द्रागिरीको सफर । मनकामनापछी काठमाडौँमै खुलेको चन्द्रागिरीको डांडामा पुग्न भर्खरका केटाकेटि, कलेज पढ्ने ठिटाठिटीदेखि बुढाबुढी वा स- परिवार घुम्न जाने क्रेज बढिरहेको छ । तर त्यहि चन्द्रागिरीमा भने ब्रम्हलुट भइरहेको छ । जनताहरु पाइलै पिच्छे ठगिन वाध्य भएका छन् ।

सुरक्षाको नाटक गर्दै ठग्दैछ कम्पनी :मनकामनामा सुरक्षित हुने, चंद्रागीरिमा किन नहुने ?
केवलकार छाडेर भालेश्वर मन्दिर जाने जो कोहि पर्यटकलाइ सुरक्षाका कारण देखाउंदै पकाएका खानेकुरा र मदिरा लान पाईने छैन भनेर सूचना टाँस गरिएको छ । तर सुरक्षाभन्दा पनि यो ठगी गर्ने काइदा भएको गुनासो सर्वसाधारणहरुले पोखेका छन् । कम्पनीले डांडामा आफ्ना कम्पनीलाई बाहेक न अरुलाई व्यवसाय गर्न दिएको छ, न अरुलाई खाने कुरा लिएर जान नै दिएको छ । यता मनकामनामा भने जाँदा कुनैपनि पर्यटकले खाने कुरा लैजान सक्छन् । 'मनकामनाको केवलकार चढ्दाचाहिं असुरक्षा नहुने ! अनि यहाँ चाहिं असुरक्षा हुने ? यो त सिधा ठगी हो ।' चन्द्रागिरी पुगेका एक पर्यटकले अर्थ सरोकार डटकमसँग गुनासो पोखे।
धर्मका नाममा समेत व्यापार गरी ठग्दैछ चन्द्रागिरी 
चन्द्रागिरी मन्दिर परिसरमा यतिसम्मको लुट छ कि मन्दिरका पूजा सामाग्री समेत कम्पनी आफैले बेच्ने गरेको छ ।  यसअघि चन्द्रागिरिमा खाना लैजान नदिएको भन्दै केहि सर्वसाधारणहरुले विरोध समेत गरेका थिए । तर धर्मका नाममा जनता ठग्न पल्किएको कम्पनीले यसको बेवास्ता गर्दै यो ठगी कार्यलाई जारी राखेको छ ।

यो हदसम्मको लुट ! भातको ५ सय ६०, चंद्रागीरिमा पाइन्छ नेपालकै महँगो म:म 
चन्द्रागिरीमा यो हदसम्मको लुट छ कि खानाको ५ सय ६० रुपैयाँ पर्छ भने एक प्लेट म:मको २ सय ९० पर्छ । यो संभवत : नेपालकै सबैभन्दा महँगो म:म हो ।  ४० रुपैया पर्ने आईसक्रिमलाई एक सय देखि एक सय २५ रुपैया सम्म र १५ रुपैया पर्ने जेरीलाई ५० रुपैयासम्म लिएर चन्द्रागिरीले ठगी गरिरहेको छ । 

के भन्छन् चन्द्रागिरीका प्रतिनिधि र खाद्य विशेषज्ञ ?
चन्द्रागिरीमा भइरहेको लुटबारे बुझ्न खोज्दा कम्पनीका प्रतिनिधि सम्पर्कमा आउन चाहेनन् । यता खाद्य विशेषज्ञले भने खाना लैजाँदा असुरक्षा हुन्छ भन्ने कुरा गलत भएको अर्थ सरोकार डटकमलाई बताए । औसत दैनिक ३ हजारभन्दा बढी मानिसले केवलकार चढिरहेका छन् । यसरी सरसर्ती हिसाब गर्ने हो भने चन्द्रागिरीले जनताको करोडौं रुपैयाँ  ठगीरहेको छ ।

यो पनि पढ्नुहोस् : 


हामीलाई फलो गर्नुहोस् :

प्रतिकृया दिनुहोस्

, ,

Loading...