फिर्स्ट माइक्रोफाइनान्सले पायो हकप्रद निष्काशनको अनुमति
Powered by Blogger.
फिर्स्ट माइक्रोफाइनान्सले पायो हकप्रद निष्काशनको अनुमति

नेपाल धितोपत्र बोर्डले फिर्स्ट माइक्रोफाइनान्स डेभलपमेन्ट बैंक लिमिटेडलाई हकप्रद सेयर निष्काशन गर्ने अनुमति दिएको छ । बैंकले विहीबार (चैत्र १७ गते) ५० प्रतिशत अर्थात दुई बराबर एकको अनुपातमा हकप्रद सेयर निष्काशन गर्ने अनुमति पाएको छ । 

फिर्स्ट माइक्रोफाइनान्सले एक सय रुपैयाँ अंकित मूल्यमा १३ करोड २२ लाख ५० हजार रुपैयाँ बराबरको १३ लाख २२ हजार पाँच सय कित्ता हकप्रद सेयर निष्काशन गर्नेछ । हकप्रद निष्काशनका लागि बैंकले ग्लोबल आईएमई क्यापिटल लिमिटेडले सेयर निष्काशन तथा विक्री प्रबन्धकमा नियुक्त गरेको छ । 

हाल फिर्स्ट माइक्रोफाइनान्सको चुक्तापुँजी २६ करोड ४५ लाख एक सय रुपैयाँ रहेको छ । ५० प्रतिशत हकप्रद सेयर जारी गरेपछि माइक्रोफाइनान्सको चुक्तापुँजी ३९ करोड ६७ लाख ५० हजार रुपैयाँ पुग्नेछ । 

फिर्स्ट माइक्रोफाइनान्स थोक कर्जा प्रवाह गर्ने घ वर्गको बैंक हो । राष्ट्र बैंकको निर्देशनअनुसार, यस माइक्रोफाइनान्सले ०७५ हजार मसान्तसम्ममा ६० करोड रुपैयाँ चुक्तापुँजी पुर्याउनुपर्नेछ ।


Published Date : Thursday, March 30, 2017

हामीलाई फलो गर्नुहोस् :

प्रतिकृया दिनुहोस्

,

Loading...