करोडपतिका पाकेटमार ज्वाईँ ! जसको यस्तो रहेछ पाकेटमारी गर्ने 'टेक्निक' !
Powered by Blogger.
करोडपतिका पाकेटमार ज्वाईँ ! जसको यस्तो रहेछ पाकेटमारी गर्ने 'टेक्निक' !

  • अर्थ सरोकार सम्बाददाता 
काठमाडौँ - करोडपति परिवारका ज्वाईं लामो समयदेखि पाकेटमारी काममा संलग्न भएको खुलासा भएको छ। आईतबार साँझ कोटेश्वर प्रहरीले तिनकुनेबाट नियन्त्रणमा लिएको सिमीयोन तामाङ्ग र सुमन तामाङ्ग हुनेवाला परिवारको ज्वाइ भएर पनि पकेटमारी काममा संलग्न भएको खुलासा भएको हो। 

काठमाडौं महानगरपालिका–१९ स्थायी घर भएका सिमियोन तामाङ्ग र काभ्रेको पनौती स्थायी घर भएका सुमन तामाङ्ग विगत लामो समयदेखि कोटेश्वर–माईतिघर रुटमा पाकेटमारा धन्दा गर्दै आएको प्रहरी स्रोतको भनाई छ ।

पनौति नगरपालिका–२ का सुमनले धनाढ्य परिवारकी छोरी विवाह गरेका छन् । प्रहरीका अनुसार सिमियोन र सुमन बुलेट मोटरसाईकल चढ्थे । तिनकुनेबाट एउटा साथी सार्वजनिक गाडीमा पाकेट मार्न चढेपछी बुलेट मोटरसाईकलले गाडीलाई पछ्याउँथ्यो, काम सकिएपछि ओर्लेर बुलेट चढेर हिँड्थे । दिनमा करिब दुई घण्टा मात्र पाकेट मार्ने उनिहरुको रुटिन थियो ।

सुराकीको आधारमा पक्राउ परेकाहरुलाई महानगरीय प्रहरी प्रभाग कोटेश्वरमा राखिएको छ । पाकेट मारेर दैनिक २० हजार सम्म कमाउने सिमीयोन र सुमनको आर्थिक हैसियत निकै माथि उठीसकेको प्रहरीले जनाएको छ ।


Published Date : Tuesday, March 28, 2017

हामीलाई फलो गर्नुहोस् :

प्रतिकृया दिनुहोस्

,

Loading...