मितेरीको खुद नाफा ८ करोड २७ लाख, इपिएस २९ रुपियाँ
Powered by Blogger.
मितेरीको खुद नाफा ८ करोड २७ लाख, इपिएस २९ रुपियाँ

  • अर्थ सरोकार सम्बाददाता 
काठमाडौं -  चालु आर्थिक वर्षको तेस्रो त्रैमासमा मितेरी डेभलपमेन्ट बैंकले ८ करोड २७ लाख १८ हजार रुपैयाँ खुँद नाफा कमाएको छ । यो नाफा गत वर्षको यही त्रैमासको भन्दा १ करोड ७९ लाख ७२ हजार रुपैयाँले धेरै हो । गत वर्ष मितेरीले ६ करोड ४७ लाख ४६ हजार रुपैयाँ मात्र खुद नाफा कमाएको थियो । चुक्ता पुँजी ३८ करोड २ लाख ९३ हजार रुपैयाँ रहेको बैंकको जगेडा कोषमा भने १७ करोड ५५ लाख ७९ हजार रुपैयाँ छ । धरानमा प्रधान कार्यालय रहेको मितेरीले खुद ब्याज आम्दानीमा पनि गत वर्षको तुलनामा ३ करोड ५४ लाख ७८ हजार रुपैयाँले बढोत्तरी गर्न सफल भएको छ । 

चालु आर्थिक वर्षको तेस्रो त्रैमासमा बैकको खुद ब्याज आम्दानी १४ करोड ३८ लाख ५३ हजार रुपैयाँ पुगेको छ । गत वर्ष बैंकको खुद ब्याज आम्दानी १० करोड ८३ लाख ७५ हजार रुपैयाँ थियो । खुद नाफा बढोत्तरीमा ब्याज आम्दानीको भूमिका बढी छ । सम्भावित जोखिमका लागि ५२ लाख ४२ हजार रुपैयाँ छुट्याएको मितेरीले खराब कर्जा भने ०.३४% मै सीमित पारिदिएको छ । प्रतिसेयर आम्दानी २९ रुपैयाँ (वार्षिक) रहेको मितेरीको प्रतिसेयर नेटवर्थ १४६ रुपैयाँ १७ पैसा छ । 

प्रकाशित मिति : Wednesday, April 26, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...