'भारतप्रेमी' डिस होमको रबैया २ : भारतीय च्यानललाई पैसा तिर्दा, नेपाली च्यानलसँग 'बार्गेनिङ' !
Powered by Blogger.
'भारतप्रेमी' डिस होमको रबैया २ : भारतीय च्यानललाई पैसा तिर्दा, नेपाली च्यानलसँग 'बार्गेनिङ' !

  • सुरज प्याकुरेल / अर्थ सरोकार डटकम 
काठमाडौँ - डिस होम । जति धेरै लगानी, त्यति नै बढी झुटको खेती गर्ने कम्पनी । डिस मिडिया नेटवर्कद्वारा सञ्चालित डिस होमले विज्ञापनका नाममा गरेको झुटको खेतीबारे अर्थ सरोकार डटकमले एक्सक्लुसिभ समाचार ब्रेक गरेपछि डिस होमका अन्य कर्तुतहरुपनि सार्वजनिक हुन थालेका छन् । बैसाख १५ देखि केवल टेलिभिजनमा च्यानल नआउने भ्रामक विज्ञापन गरेर जनताको आँखामा छारो हालेको डीस होमको उक्त कर्तुत बारे समाचार प्रकाशन गरेपछि पहिला डिस होममै काम गरेका एक पूर्व कर्मचारीले डिस होमले भारतीय च्यानलअरुलाई पैसा तिर्ने तर नेपाली च्यानलसँग भने पैसाको बार्गेनिङ गरेको खुलासा गरेका छन् ।  

आफ्नो नाम नबताउने सर्तमा उनले भारतीय च्यानलहरुलाई मोटो रकम तिर्दा नेपाली च्यानलहरु डीस होममा राख्न आनाकानी गर्ने, गुणस्तर कम भएको भन्दै पैसाको बार्गेनिङ गर्ने र टेलिभिजन डिस होममा राखेवापत 'बार्टर' सिष्टमका नाममा केहि टेलिभिजनहरूलाई सित्तैमा विज्ञापन बजाउन लगाउने गरेको समेत खुलासा गरेका छन् ।     

करोडौं रुपैयाँ जान्छ भारत !, नेपाली च्यानलहरुलाई यसरी हेपिन्छ !
यता नेपाली टेलिभिजनहरुलाई हेपाहा प्रवृति देखाएको डिस होमले भारतीय च्यानलहरुलाई भने मोटो रकम तिर्ने गरेको छ । विशेषगरी भारतका चर्चित च्यानलहरुलाई उसले निकै महँगो शुल्क बुझाउने गरेको डिस होमका एक पूर्व कर्मचारीले अर्थ सरोकार डटकमलाई बताए । 'बार्षिक करोडौं रुपैयाँ भारत जान्छ । नेपालमा भारतीय च्यानलहरुको दबदबा बढाएर डीसहोमले एकातर्फ नेपाली च्यानलहरुलाई सकेसम्म बाइपास गरिरहेको छ ।' उनले भने, 'अझ भारतीय च्यानलहरुलाई बढी प्राथमिकतामा राखेर सिग्नल फालिने गरिएको छ । नेपाली च्यानलहरु बेलाबेलामा बन्द हुने, ढिलो गरी प्रशारण हुने लगायतका समस्या छन् भने भारतीय च्यानलहरुमा यस्ता समस्या देखिदैन । 

च्यानल राखिदिएवापत थरी थरीका 'बार्गेनिङ' !
'हुन त कम्पनीले सहमतिमा कुनै टेलिभिजनसँग कुनै करार गर्नु नौलो होइन । तर डीस होमले ठुला र साना मिडियाहरुका नाममा पक्षपातपूर्ण व्यवहार गरेको छ । कम्पनीले कतिपय नेपाली च्यानलहरुलाई आफ्नो विज्ञापन प्रदान गरिरहेको छ भने कतिपय च्यानलहरुलाई सित्तैमा विज्ञापन बजाउन निर्देशन दिएको छ । आफ्नो निर्देशन नमाने कम्पनीले टेलिभिजनका सिग्नल बिगारिदिने गरेको छ ।' डिस होमका एक पूर्व कर्मचारीले अर्थ सरोकार डटकमसँग भने ।  उनका अनुसार कतिपय टेलिभिजनसँग त पैसाको बार्गेनिङ समेत भएको छ । 'भर्खरै प्रशारण आरम्भ भएको एक टेलिभिजनसँग उसले मोटो रकम दिएर डिस होममा च्यानल राख्न सहमत भएको छ । 'वान टाइम पेमेन्ट' भन्दै कम्पनीले उक्त च्यानलसँग कम्पनीले पैसा असुलेको हो । केहि नयाँ टेलिभिजनसँग पनि उसको बार्गेनिङ चलिरहेको छ । पैसा तिरे तुरुन्त डीस होममा पुगिन्छ । नतिरे घरी गुणस्तर पुगेको छैन त घरी अरु बहानामा टेलिभिजनलाई कुराउने काम हुन्छ ।' उनले अगाडी भने ।  

यसअघि यस्तोपनि...,न्यूज २४ डीस होमबाट हटेको यो समय...
सन् २०१२ मा डिस होमले पैसाको बार्गेनिङ नमिलेपछि न्यूज २४ टेलिभिजनलाई हटाएको आरोप लागेको थियो । त्यसबखत न्यूज २४ मै समाचार संयोजक रहेका पत्रकार प्रेम बानियाँले डीस होमले नियोजित रुपमा जनताको सुचना पाउने अधिकारमाथि धावा बोलेको भन्दै यसको विरोध गर्न आह्वान गरेका थिए । 'डिसहोम माध्यमबाट टेलिभिजन हेर्दै आउनु भएका दर्शकहरु र मेरा पि्रय साथीहरु, बिगत केही दिनदेखि योजनावद्ध हिसाबले डिसहोमबाट न्यूज २४ टेलिभिजनको प्रशारण रोकिदिएका छन । यसले नागरिकको सूचना पाउने हकमा गम्भीर असर परेको छ र यस्तो प्रवृतिको बिरोध गर्न हुन अनुरोध छ ..' तत्कालीन अवस्थामा उनले आफ्नो फेसबुकमा लेखेका थिए ।


पछी विभिन्न नेताहरुको पावरमा टेलिभिजनले चर्को दवाव दिएपछि र केहि रकम सहयोग मार्फत कम्पनीका मालिकलाई दिएपछि डिस होममा न्यूज २४ टेलिभिजनको प्रशारण आरम्भ भएको डीस होमकै पूर्व कर्मचारीको भनाइ छ । 'यस्तै पटक पटक विभिन्न नेपाली च्यानलसंग बार्गेनिङ हुने गरेको छ । घरी सिग्नल नै बिगारिदिने, घरी बन्द गरिदिनेजस्ता समस्या देखाएर भारतीय च्यानललाई बुझाउन नेपाली च्यानलसँग पैसा असुल गर्ने गरिएको छ ।' उनले भने ।    

यहाँसंम्मको 'भारत-प्रेम' प्रवृति !
डिस मिडिया नेटवर्कले सञ्चालन गरेको डिस होमले यतिसम्म 'भारत-प्रेम' देखाउने गरेको छ कि,  नेपालमा भारतले नाकाबन्दी गरेपछि नेपालमा सबैतिर भारतीय च्यानल बन्द गरिंदा पनि डीस होमले बरु केहि नेपाली च्यानलको सिग्नल बिगारेर भारतीय च्यानल प्रशारण गरेको थियो । यहि रिसमा तत्कालीन विप्लव निकट माओवादीले  डिस होमको एक कार्यालयमा बम हानेको थियो । 'अहिलेपनि बेला बेलामा नेपाली च्यानलमाथि धावा बोलिने गरेको छ । पावर र पैसाका भरमा साना भनिएका टेलिभिजनहरुमा डिस होममा प्रवेश गर्न दिइएको छैन ।          

भारतीय च्यानल छान्न पाउने , नेपाली किन नपाउने ?
तपाईंले विभिन्न प्याकेज अनुसार डिस होममा भारतीय च्यानल रोज्न पाउनुहुनेछ । तर पैसा नै तिरौं भन्दापनि नेपाली च्यानलहरु भने रोज्न पाइन्न । उदाहरणका लागि नेपालको पूर्वी क्षेत्रमा निकै चलेको हिमशिखर टेलिभिजन, मकालु टेलिभिजन लगायतका च्यानल हेर्न डिस होममा पाईदैन । अझ अचम्म लाग्दो कुरा के छ भने डिस होमले थुप्रै भारतीय च्यानलहरु आफ्नो अप्सनमा राखेको छ । तर भारतबाट नै प्रशारण हुने नेपाली भाषाको च्यानल नेपाल वान डिस होममा हेर्न मिल्दैन । यसलाई डीस होमको अर्को राष्ट्र विरोधी काम भन्नेहरु पनि नभएका होइनन् । तर निहुँ खोज्नेलाई चन्दा दिएर मिलाउने र जनता ठग्ने उसको रणनीतिले अहिले उसको ठगी चरम उत्कर्षमा पुगेको छ ।  

यो पनि पढ्नुहोस् :
डिस होमको कर्तुत नम्बर १ :
EXCLUSIVE: जनताको आँखामा छारो हालेर डिस होमले यसरि गर्दैछ 'झुट'को व्यापार !


हामीलाई फलो गर्नुहोस् :

प्रतिकृया दिनुहोस्

, ,

Loading...