कैलाश बिकास बैंकको करोडौं ठगेर भागेका बैंकर खनालको जायजेथा रोक्का, अन्य ५ कर्मचारीसमेत निलम्बित !
Powered by Blogger.
कैलाश बिकास बैंकको करोडौं ठगेर भागेका बैंकर खनालको जायजेथा रोक्का, अन्य ५ कर्मचारीसमेत निलम्बित !

  • अर्थ सरोकार सम्बाददाता 
काठमाडौँ - कैलाश विकास बैंकबाट करोडौं रुपैयाँ ठगेर विदेश भागेका पोखरा लाचाचौर शाखाका प्रमुख रविचन्द्र खनालसहित ५ कर्मचारीलाई बैंकले निलम्बित गरेको छ । बुधबारदेखि अरु कर्मचारी खटाउने गरी बैंकले यस्तो निर्णय गरेको हो । त्रिभुवन विमानस्थल काठमाडौंको अध्यागमन कार्यालयको रेकर्डले खनाल देशबाट बाहिरिइसकेको देखिएको छ ।

यता ठगी प्रकरणका अभियुक्त खनालको तनहुँस्थित सम्पतिसहित, पोखरा पस्र्याङको घरजग्गा र गगनगौंडाको जमिन लगायतका जायजेथा रोक्का गरिएको कैलाश विकास बैंकको पोखरा क्षेत्रीय कार्यालय प्रमुख सूर्य तिवारीले बताएका छन् । ‘लेखापरिक्षण चलिरहेको छ । कति हिनामिना भयो भन्ने यकीन भइसकेको छैन । तर जति हिनामिना भएको हो, त्यति उनको जायजेथाबाट असुल्न सकिने मात्रैमै भएको अनुमान गरेका छौं ।’ उनले भने । 

बेपत्ता खनाल कैलाश विकास बैंकमा आउनुअघि नेपाल एक्सप्रेस फाइनान्सको पोखरा, सभागृहचोकस्थित शाखा प्रमुख थिए । उक्त फाइनान्स गएको वर्षमात्रै कैलाश विकास बैंकमा मर्ज भएको हो । सँगसँगै मेट्रो विकास बैंक पनि मर्ज भएको थियो । एउटा शाखा हेरिसकेको व्यक्ति भनेरै कैलाशले लामाचौर शाखामा खनाललाई जिम्मेवारी सुम्पेको थियो ।

प्रकाशित मिति : Thursday, April 20, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

, ,

Loading...