लाइफ इन्सुरेन्स कर्पोरेसनको २४.८०% बोनस सेयर सुरक्षित गर्ने आज अन्तिम दिन
Powered by Blogger.
लाइफ इन्सुरेन्स कर्पोरेसनको २४.८०% बोनस सेयर सुरक्षित गर्ने आज अन्तिम दिन


  • अर्थ सरोकार सम्बाददाता 

काठमाडौं - लाइफ इन्सुरेन्स कर्पोरेसनको २४.८०% बोनस पाउन सेयर किन्ने बिहीबार अन्तिम दिन हो । इन्सुरेन्सले जेठ १९ गते बोलाएको वार्षिक साधारण सभामा २४.८०% बोनस सेयर र यसमा लाग्ने कर तिर्न १.३०% नगद लाभांश दिने प्रस्ताव गरेको छ । यसका लागि कम्पनीले शुक्रबारदेखि साधारण सभा हुने दिनसम्म बुक क्लोज गर्दैछ । बुक क्लोज मिति भन्दा अघिल्लो दिनसम्म कायम सेयरधनीले मात्र बोनस सेयर पाउने हुँदा बिहीबार नै लाइफ इन्सुरेन्सको सेयर किनिसक्नुपर्नेछ । हाल कायम सेयरधनी भने स्वतः बोनसको हकदार हुनेछन् ।

साधारण सभा नेपाल प्रज्ञा प्रतिष्ठान कमलादी, काठमाडौंमा बिहान ९ बजे सुरु हुनेछ । चालु आर्थिक वर्षको तेस्रो त्रैमासमा लाइफ इन्सुरेन्सको चुक्ता पुँजी १ अर्ब ६ करोड ९४ लाख ५३ हजार रुपैयाँ छ । कम्पनीको रिजर्भ कोषमा २२ करोड ९८ लाख ९१ हजार रुपैयाँ छ । यसले जीवन बिमा कोषमा पनि ३१ अर्ब ८९ करोड १७ लाख ९२ हजार रुपैयाँ जम्मा गरेको छ । तेस्रो त्रैमासमा लाइफ इन्सुरेन्सले ४ करोड ९८ लाख ७७ हजार रुपैयाँ खुद नाफा कमाएको छ । कम्पनीको प्रतिसेयर आम्दानी ६ रुपैयाँ २१ पैसा र प्रतिसेयर नेटवर्थ १२५ रुपैयाँ ७२ पैसा छ । 

प्रकाशित मिति : Thursday, May 18, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...