फरक–फरक पार्टीबाट दाजुभाइ उम्मेदवार, आमालाई धर्मसंकट !
Powered by Blogger.
फरक–फरक पार्टीबाट दाजुभाइ उम्मेदवार, आमालाई धर्मसंकट !


कसैलाई उम्मेदवार नपाएर चिन्ता कसैलाई पाएर । एउटै पदमा एउटै वडाबाट दुई छोराले फरक फरक पार्टीको उम्मेदवारी पाउँदा बर्दियाकी ८७ वर्षीय सन्तु अधिकारीलाई कुन छोरालाई भोट हालूँ भन्ने चिन्ताले पिरोलेको छ ।

जेठ ३१ गते हुने दोस्रो चरणको निर्वाचनमा गुलरिया नगरपालिका वडा नं. २ को वडाध्यक्ष पदमा नेपाली कांग्रेसको तर्फबाट सन्तुको जेठा छोरा कृष्ण अधिकारी र नेकपा एमालेको तर्फबाट कान्छो छोरा टंक अधिकारीले उम्मेदवारको टिकट पाएपछि आमा सन्तुलाई धर्मसंकट परेको आजको कारोबार दैनिकमा खबर छ ।

०१५ साल यताका हरेक निर्वाचनमा उत्साहित हुँदै मतदान गर्दै आएकी सन्तुले यसपटकको स्थानीय तहको निर्वाचनमा मतदान गर्ने इच्छा नभएको बताइन् ।

‘निर्वाचनका दिन बिरामी भएर मत हाल्न नसकेको भए हुने थियो’, उनले गम्भीर हुँदै भनिन्, ‘मेरो लागि दुवै छोरा बराबर हुन , कसलाई नजिकैको ठानेर मत दिनु ? मेरो आत्मा रोइरहेको छ । दाजुभाइबीचको चुनावी लडाइँमा म आमालाई नपारेको भए हुन्थ्यो ।’

प्रकाशित मिति : Wednesday, May 24, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...