जेष्ठ नागरिक भन्छनः प्रचण्ड र देउवाले वृद्धाभत्ता बढाइदिन्छु भनेर ढाँटे
Powered by Blogger.
जेष्ठ नागरिक भन्छनः प्रचण्ड र देउवाले वृद्धाभत्ता बढाइदिन्छु भनेर ढाँटे

काठमाडौँ  – जेष्ठ नागरिकहरुले सरकारले ल्याएको बजेटमा वृद्धाभत्ता थप नगरेकोमा आपत्ति जनाएका छन् । सरकारले सोमबार सार्वजनिक गरेको बजेटमा वृद्धाभत्ता थप नगरिएपछि जेष्ठ नागरिकहरु सरकारप्रति आक्रोशित भएका हुन् ।

मंगलबार काठमाडौँमा एक कार्यक्रम गरी उनीहरुले प्रधानमन्त्री पुष्पकमल दाहाल प्रचण्ड र काँग्रेस सभापति शेरबहादुर देउवाले वृद्धा भत्ता महिनामा ५ देखि १० हजारसम्म बढाउने आश्वासन दिएर ढाँटको खेती गरेको भन्दै आपत्ति जनाए ।

अग्रज समाज, नेपालका अध्यक्ष महाप्रसाद पराजुलीले सरकारले वृद्धाभत्ता बढाउने भनेर आफूहरुलाई ढाँटेको भन्दै आपत्ति जनाए । उनले आफ्ना बाबु-आमाको सम्मान गर्न नसक्ने सरकारले राष्ट्र र जनताको सेवा गर्न नसक्ने दावी समेत गरे । जेष्ठ नागरिकहरुले महिनामा ५ हजार वृद्धा भत्ता दिनुपर्ने माग गर्दै आएका छन् ।

उनीहरुले यातायात र स्वास्थ्य उपचारमा ५० प्रतिशत छुटको व्यवस्था गर्न पनि सरकारलाई दवाव दिईरहेका छन् । हाल सरकारले जेष्ठ नागरिकहरुलाई महिनामा २ हजार भत्ता दिँदै आएको छ ।

प्रकाशित मिति : Tuesday, May 30, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...