एनसीसी बैंकले आफूसँग गाभिएको एपेक्स डेभलपमेन्ट बैंकको सम्पूर्ण खाता छुट्टै राख्नुुपर्ने भएको छ । उच्च अदालत पाटनका न्यायाधीश राजेन्द्र सुवेदीको एकल इजलासले वैशाख २८ गते बिहीबार एनसीसीको नाउँमा अन्तरिम आदेश जारी गर्दै एपेक्स डेभलपेमन्ट बैंकको हिसाब छुुट्टै राख्न आदेश दिएको थियो । सोही मुद्दामा यही जेठ ९ गते मंगलबार भएको सुुनुुवाइमा न्यायाधीशद्वय प्रमोदकुुमार वैद्य र रमेशकुमार खत्रीको संयुुक्त इजलासले एपेक्सको सम्पूर्ण खाता छुट्टै राख्ने गरी यसअघि दिएको आदेशलाई नै निरन्तरता दिएको हो ।
एनसीसीले एपेक्स डेभलपमेन्ट बैंकलाई गाभेपश्चात् एनबी समूहले एनसीसी बंैकविरुद्ध पाटन अदालतमा मुद्दा दायर गरेको थियो । एनबी समूहअन्तर्गतको एनबी मार्केटिङ कम्पनी, सांग्रिला इन्भेष्टमेन्ट कम्पनी, जेनिथ इन्भेष्टमेन्ट कम्पनीसहितका कम्पनीहरुले एनसीसी बैंक, पीवाईसी एसोसिएट्स एण्ड चार्टर्ड एकान्टेन्स कम्पनी र नेपाल राष्ट्र बैंकसमेतलाई विपक्षी बनाएर यही वैशाख २४ गते उत्प्रेषणसम्बन्धी मुद्दा दायर गरेको थियो ।
तत्कालीन समयमा एनसीसीले एपेक्सलाई गाभ्दा पीवाईसी एण्ड एसोसिएट्स कम्पनीले एपेक्सको सम्पत्ति मूल्यांकन दायित्व (डीडीए)सम्बन्धी प्रतिवेदन तयार पारेको थियो । रिर्पोट तयार पार्दा उक्त कम्पनीले एपेक्समा रहेको करोडौं रुपैयाँ खराब कर्जालाई समेत असल कर्जा भनी डीडीए रिपोर्ट तयार गरेको थियो । सोही रिपोर्टका आधारमा एनसीसी र एपेक्स मर्ज हुँदा एनसीसीसँग मर्जरमा जाने अन्य संस्थाका लगानीकर्ताहरुले करोडौं रुपैयाँ गुुमाउनुुपरेको तर्क पेस गर्दै एनबी समूहले एनसीसी बंैक, पीवाईसी र नेपाल राष्ट्र बैंकसमेतलाई विपक्षी बनाई उच्च अदालत पाटनमा मुद्दा दायर गरेको थियो ।
उत्प्रेषणसम्बन्धी सोही मुद्दामा यही वैशाख २८ गते उच्च अदालतले विपक्षीको नाउँमा कारण देखाउ आदेश जारी गरेको हो । एनसीसी बैंकका सेयरधनीहरुले यसअघि पनि एपेक्स डेभलपमेन्ट बैंकमा भएको अनियमितताको छानबिन गरी दोषीलाई कारबाही गरिपाउँ भन्दै नेपाल राष्ट्र बंैक, अख्तियार दुुरुपयोग अनुसन्धान आयोग समेतमा उजुरी दिइसकेका छन् । धितालले तत्कालीन एपेक्स डेभलपमेन्टको इटहरी शाखाबाट २६ जनाको नाममा करिब १८ करोड रुपैयाँ कर्जा व्यक्तिगतरुपमा प्रयोग गरेको आरोप एनसीसीका कर्मचारी तथा सञ्चालकहरुले लगाउँदै आएका छन् ।
तत्कालीन एपेक्सकै कारण एनसीसी बैंकको वित्तीय अवस्था निकै नै खस्किएको छ । एनसीसीले सार्वजनिक गरेको चालू आर्थिक वर्षको तेस्रो त्रैमासिक अपरिष्कृत वित्तीय विवरणअनुसार बैंकको सम्भावित जोखिम व्यवस्थापन रकम (प्रोभिजन) बढेर एक अर्ब ६८ लाख १५ हजार रुपैयाँ पुुगेको छ । गत आवको सोही अवधिमा बैंकमा यस्तो रकम ३० करोड ५८ लाख ६० हजार रुपैयाँ रहेको थियो । खराब कर्जा बढेपश्चात बैंकमा प्रोभिजन रकम बढेको हो ।
बैंकमा अहिले खराब कर्जाको अनुुपात चार दशमलव ४८ प्रतिशत रहेको छ । गत आवको सोही अवधिमा एनसीसीमा कुुल एक दशमलव ६३ प्रतिशत कर्जा मात्र खराब रहेको थियो । खराब कर्जा अधिक हुुनुको सीधा असर बंैकको खुद मुनाफामा परेको छ । गत आवको तेस्रो त्रैमासिक अवधिमा प्रोभिजन रकम र खराब कर्जाको अनुपात कम भएकै आधारमा बैंकले ३७ करोड ३५ लाख ७० हजार रुपैयाँ खुद मुनाफा कमाएको थियो । तर खराब कर्जा उच्चरुपमा बढ्दा चालू आवको तेस्रो त्रैमासमा बैंकको यस्तो मुनाफा घटेर १६ करोड ३७ लाख ६२ हजार रुपैयाँमा सीमित रहेको छ ।
बैंकको समग्र अवस्थालाई हेर्दा विगतमा एनबी समूह एनसीसी बैंकको रोगको रुपमा रहेको थियो । यो रोगबाट अहिले एनसीसी बैंकले मुक्ति पाइसकेको छ । तर अहिले एनसीसीका लागि सबैभन्दा ठूलो रोग तत्कालीन एपेक्स डेभलपमेन्ट बैंक र उक्त बैंकका सञ्चालक समितिका अध्यक्ष विष्णुप्रसाद धिताल (जो एनसीसीमा पनि अहिले सञ्चालक रहेका छन्) देखिएका छन् । आर्थिक दैनिकबाट
यो पनि पढ्नुहोस् :
