तत्कालीन एपेक्स पीडीतहरु भन्छन्, 'अर्थ सरोकारको समाचारलाई 'सिरियसली' नलिंदा हामीपनि फस्यौं, एनसीसीकोपनि यो हविगत भयो'
Powered by Blogger.
तत्कालीन एपेक्स पीडीतहरु भन्छन्, 'अर्थ सरोकारको समाचारलाई 'सिरियसली' नलिंदा हामीपनि फस्यौं, एनसीसीकोपनि यो हविगत भयो'

  • अर्थ सरोकार सम्बाददाता 

काठमाडौँ - तत्कालीन एपेक्स डेभलोपमेन्ट बैंकका पिडितहरुले एपेक्सको घोटाला प्रकरण अर्थ सरोकार डटकममा आएको थाहा भएपनि त्यसलाई गम्भीरतापूर्वक नलिंदा एनसीसीको यस्तो अवस्था भएको बताएका छन् ।  एपेक्स डेभलोपमेन्ट बैंक संघर्ष समितिनै बनाएर अहिले एनसीसीको नेतृत्व, सीआईबी र राष्ट्र बैंक गुहारिरहेको एपेक्स पीडित समूहका एक सदस्यले एपेक्सका बारेमा आएका केहि तथ्यपरक समाचारको विश्वास नगर्दा आफुहरुपनि फसेको र एनसीसी बैंकपनिधरासायी भएको गुनासो गरेका छन् । 

'एपेक्समा कति हदसम्म घोटाला भएको छ भन्ने समाचार अर्थ सरोकार डटकममा प्रकाशित भएपछि हामीले पनि एक पटक यस विषयमा सोधीखोजी गर्यौं । त्यो बेला अर्थ सरोकार डटकमले भर्खरै प्रकाशन सुरु गरेको रहेछ । 'भर्खरको अनलाइन  हो, पाठक तान्न जेपनि लेख्छ' भनेर हामीलाई एपेक्सकै उच्च तहले 'कन्भिन्स' गर्यो । हावा समाचार लेख्ने थुप्रै अनलाइनहरु देखेका हुनाले हामीलेपनि त्यस्तै केहि होला भन्ने ठान्यौं । तर करिव ८ महिनापछी उक्त समाचार कति सत्य रहेछ भन्ने थाहा पायौं ! तर समाचारको विश्वास गर्दासम्म निकै ढिलो भइसकेको थियो ।' एपेक्स पिडित संघर्ष समितिका एक सदस्यले अर्थ सरोकार डटकमसँग गुनासो पोखे ।

हेर्नुहोस् एपेक्समा भएका घोटालाका बारे अर्थ सरोकार डटकमले लेखेका समाचारहरु 
अहिले एपेक्सको सेयर कारोबारसमेत रोक्का भइसकेको छ । पाटन उच्च अदालतले एपेक्स र एनसीसीको हिसाव छुट्टै राख्न अन्तरिम आदेश दिएपछी अहिले एनसीसीको सेयर कारोबार रोक्का भएको हो । 

संघर्ष समितिकै एक अर्का सदस्यले आफुहरु अन्तिमसम्म पनि यो प्रकरणमा लडीरहने बताएका छन् । नक्कली ऋणी खडा गरेर एपेक्समा करोडौं घोटाला भएको र अहिले आफुहरुलाई फसाउन खोजेर पीडीत बनाउने खोजेको भन्दै आफुहरु न्यायका लागि जस्तोसुकै कदम चाल्नपनि तयार भएको उनको भनाइ छ । 

यो पनि पढ्नुहोस् :

प्रकाशित मिति : Wednesday, May 31, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...