उम्मेदवारी दर्ताका लागि हिँडेका २ उम्मेदवार बाटैबाट अपहरण !
Powered by Blogger.
उम्मेदवारी दर्ताका लागि हिँडेका २ उम्मेदवार बाटैबाट अपहरण !

ताप्लेजुङ । ताप्लेजुङ र सोलुखुम्बुमा गरी २ काँग्रेस उम्मेदवार अपहरणमा परेका छन् । ताप्लेजुङको फक्ताङ्लुङ गाउँपालिकाका वडा नम्बर २ खेजेनिमबाट वडा सदस्यका उम्मेदवारको अपहरण भएको छ । फक्ताङ्लुङ गाउँपालिका–२ खेजेनिमको सदस्य पदमा उम्मेदवारी दिन केन्द्र तापेथेका हिँडेका मनकुमार पतङ्वा अपहरण गरेका हुन् ।

नेपाली कांग्रेसबाट वडा सदस्य पदको उम्मेदवारी दर्ता गर्न खेजेनिमबाट गाउँपालिकाको केन्द्र तापेथोक तर्फ जाँदै गरेका मनकुमार पतङ्वालाई विप्लव माओवादीका कार्यकर्ताले अपहरण गरेको जिल्ला प्रहरी कार्यालय ताप्लेजुङका प्रहरी प्रमुख डिएसपी रामबहादुर केसीले जानकारी दिए । केसीले घटनाका बारेमा जानकारी लिने र उद्धारका लागि प्रहरी खटाएको बताए ।

उता सोलुखुम्बुको नेचा सल्यान गाउँपालिका वडा नंं ६ का वडा अध्यक्षका उम्मेदवार टंकबहादुर कार्की पनि अपहरणमा परेका छन् । मनोनयन दर्ताका लागि नेचा जाने क्रममा तिङलाको बासिगाउँबाट एमाले र माओवादीका कार्यकर्ताले अपहरण गरेको सँगै रहेका सांसद बलबहादुर केसीले जानकारी दिए।

‘सवा १२ बजेतिरको घटना हो, हामी मनोनयन दर्ताका लागि नेचातिर जाँदै थियौं, हामी माथि हातपात गरेर उम्मेदवारलाई लिएर गएका छन्, माओवादी र एमालेका कार्यकर्ताले यस्तो हर्कत देखाए’ सांसद केसीले भने ।

प्रकाशित मिति : Sunday, June 18, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...