पुसभित्र ब्रोकरहरुले २ करोड चुक्ता पुँजी पुर्याउनैपर्ने
Powered by Blogger.
पुसभित्र ब्रोकरहरुले २ करोड चुक्ता पुँजी पुर्याउनैपर्ने


  • अर्थ सरोकार सम्बाददाता 

काठमाडौं - नेपाल धितोपत्र बोर्डले ब्रोकर कम्पनीलाई पनि कस्ने रणनीति बनाएको छ । अब विगतमा जस्तो सानो पुँजी र संरचनाले ब्रोकर कार्यालय सञ्चालन गर्न कठिन हुने देखिएको छ । त्यस्तै, जनशक्ति व्यवस्थापन र परिचालनमा पनि कडाई गरिंदैछ । धितोपत्र बोर्डले धितोपत्र व्यवसायी नियमावली २०६४ मा परिमार्जन गर्दै नयाँ निर्देशन जारी गरेको हो । नयाँ प्रावधान अनुसार अब ब्रोकर कम्पनीहरुले २०७४ पुस मसान्तभित्र चुक्ता पुँजी २ करोड रुपैयाँ पुर्याउनुपर्नेछ । मुख्य कार्यालय तथा शाखा कार्यालयमा कम्प्लायन्स अधिकृतसहित कम्तिमा ५ जना कर्मचारी हुनैपर्ने व्यवस्था पनि गरिएको छ ।

एक जना प्रमुख व्यक्ति स्नातक तह उत्तीर्ण गरेको हुनुपर्ने व्यवस्था नयाँ प्रावधानले गरेको छ । धितोपत्र बोर्डले ब्रोकरका शाखा कार्यालयलाई पनि प्रविधि, संयन्त्र र पुँजीमा मुख्य कार्यालयसरह कडाई गर्ने तयारी गरिरहेको छ । मुख्य कार्यालयले पालना गर्ने सबै नीतिनियम शाखा कार्यालयलाई पनि लागू हुनेछ । यसैगरी, प्रत्येक शाखा कार्यालयले काठमाडौंमा उपलब्ध मुख्य कार्यालयले व्यवस्था गरेको डिपोजिटको आधारमा कारोबारको लिमिट प्राप्त गर्नेछन् । उता, ब्रोकरहरुले भने पुँजी वृद्धिसँगै कामको दायरा फराकिलो बनाउनुपर्ने माग गर्दैआएका छन् । 

प्रकाशित मिति : Monday, June 5, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...