नेपाल बैंकको सेयर लिलामी भर्ने आज अन्तिम दिन
Powered by Blogger.
नेपाल बैंकको सेयर लिलामी भर्ने आज अन्तिम दिन

  • अर्थ सरोकार सम्बाददाता 

काठमाडौं - नेपाल बैंकको १ लाख ८९ हजार ६२५ कित्ता सेयर लिलामी भर्ने आज (सोमबार) अन्तिम दिन हो । आज कार्यालय समयसम्म मात्र यो लिलामी सेयर भर्न पाइनेछ ।  बैंकले असार १३ गतेदेखि सर्वसाारण समूहको लिलामी सेयर बिक्री खुला गरेको हो । लगानीकर्ताले यो लिलामी सेयर किन्न न्यूनतम १०० रुपैयाँ वा सो भन्दा बढी भाउ तोकी बोलपत्र फारम भर्नुपर्नेछ । 

यसअघि बैंकले बैशाख ७ देखि जेठ १० गतेसम्म १ करोड ५४ लाख ३१ हजार ८४० कित्ता हकप्रद सेयर बिक्री खुला गरेको थियो । त्यतिबेला सबै नबिकेपछि बैंकले सेयर लिलामीमा ल्याएको हो । न्यूनतम १०० कित्तादेखि अधिकतम १० ले भाग जाने सबै कित्ताका लागि आवेदन दिन पाइनेछ । लगानीकर्ताले लिलामी सेयर भर्न बिक्री प्रबन्धक सिभिल क्यापिटल सिटिसि मल, सुन्धारामा पुग्नेगरी बोलपत्र फारम भर्नुपर्नेछ । बोलपत्र फारम मंगलबार बिहान ११ बजे सिभिल क्यापिटल सिटिसि मल, सुन्धारा काठमाडौंमा खोलिनेछ । 

प्रकाशित मिति : Monday, July 3, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...