भृकुटी स्टक ब्रोकिङ कम्पनीले ३ दिन सेयर किनबेच गर्न नपाउने

काठमाडौं - नेपाल स्टक एक्सचेन्जले भृकुटी स्टक ब्रोकिङ कम्पनीलाई ३ दिन सेयर किनबेच गर्न रोक लगाएको छ । भृकुटीले सेयर कारोबार राफसाफ तथा भुक्तानी गर्न नसके पछि ३ दिनको लागि सेयर किनबेच गर्न रोक लगाएको हो । लगानीकर्ताले ५५ नम्बरको ब्रोकर भृकुटीबाट अब बुधबारदेखि मात्र सेयर किनबेच गर्न पाउनेछन् । ब्रोकर कम्पनीहरुले सेयर कारोबारको पैसा निर्धारित मितिमा राफसाफ गर्न नसके कारोबार नै बन्द गर्ने चलन छ । यसअघि नासा सेक्युरिटिजको पनि समयमै राफसाफ नहुँदा कारोबार रोकिएको थियो ।
प्रकाशित : Sunday, July 16, 2017

recent

Popular Posts