दोस्रो चरणको निर्बाचनमा माओवादी केन्द्र निल भएका ११ जिल्लाहरु (सूचीसहित)
Powered by Blogger.
दोस्रो चरणको निर्बाचनमा माओवादी केन्द्र निल भएका ११ जिल्लाहरु (सूचीसहित)


दोस्रो चरणको स्थानीय तह निर्वाचन भएका ३५ जिल्लामध्ये ११ वटा जिल्लामा माओवादी केन्द्रले स्थानीय तहको एउटै पनि प्रमुख पद जित्न सकेको छैन । निर्वाचन परिणाम आउने क्रम अन्तिम अवस्थामा पुग्दा माओवादी केन्द्रले ११ वटा जिल्लाका स्थानीय तहमा प्रमुखको उपस्थिति शून्य बनाएको हो ।

माओवादी निल भएका जिल्लाहरु :
१. बाँके – एक उपमहानगरसहित १ नगरपालिका र ६ वटा गाउँपालिकासहित ८ वटा स्थानीय तह रहेको बाँकेमा १ स्थानमा उपेन्द्र यादव नेतृत्वको फोरम, एकमा राप्रपा, तीनवटामा एमाले र तीन वटामा कांग्रेसका उम्मेदवार विजयी बनेका हुन् । बाँके ५ नम्बर प्रदेशमा पर्ने जिल्लाको हो । 

२. पाल्पा – ५ नम्बर प्रदेशमै पर्ने दुई नगरपालिका सहित १० स्थानीय तह रहेको पाल्पाका ६ वटा स्थानीय तहमा एमालेले आफ्नो झण्डा फहराएको छ । त्यस्तै नेपाली कांग्रेसले ४ वटा तह कव्जा गरेपछि अन्य दलको भाग नै नराखेका हुन् । 

३. कपिलबस्तु– ५ नम्बर प्रदेशमै पर्ने कपिलबस्तु जिल्लाका १० स्थानीय तहमा ६ नगरपालिका, ४ गाउँपालिकामध्ये ५ वटामा कांग्रेस विजयी बनेको छ । त्यस्तै २ वटामा एमाले र एक स्थानीय तहमा संघीय समाजबादी फोरम तथा २ वटामा स्वतन्त्र उमेदवारले बाजी मार्दा माओवादी केन्द्रले स्थान नै पाउन सकेन । 

४.सुनसरी – प्रदेश नम्बर १ मा पर्ने सुनसरीमा रहेका १२ वटा स्थानीय तहमध्ये अहिलेसम्म ६ वटामा नेपाली कांग्रेस विजयी बनेको छ । त्यस्तै १ तहमा संघीय समाजवादी फोरम र २ तहमा लोकतान्त्रिक फोरम विजयी बनेका छन् । यद्यपी सुनसरीका दुई उपमहानगर धरान र इटहरीमा एमालेले अग्रता ल्याएकाले ति स्थानमा एमालेले आफ्नो उपस्थिति जनाउने निश्चित छ तर माओवादी भने अहिलेसम्म यो जिल्लामा निल नै छ । 

५.इलाम –दशवटा स्थानी तह रहेको ईलामम सवै नतिजा आइसकेको छ । यो जिल्लाका १० मध्ये सात वटामा एमाले र तीन स्थानमा नेपाली कांग्रेसले जितेपछि माओवादी केन्द्र आउट भएको हो । 




६.झापा– पुर्वको झापा कम्युनिष्ट आन्दोलका लागि उर्वभुमि मानिन्छ । १५ स्थानीय तह रहेको झापाका सवै तहको नतिजा आइसकेको छैन । तरपनि यो जिल्लामा नेपाली कांग्रस ३ वटा तहमा विजयी भैसकेको छ भने राप्रपा तीन २ वटामा एमालेले कव्जा जमाइसकेका छन् । अरु स्थानीय तहको मत गणना जारी छ । 




७.मोरङ– प्रदेश नम्बर एककै एक महानगरसहित १७ स्थानीय तहको अन्तिम मत परिणाम आइनसकेपनि अहिलेसम्म कांग्रेस ७, एमाले ४ र फोरमले १ स्थानीय तहको प्रमुख जितिसकेका छन् । बाँकी मतगणना भइरहेका तहमा पनि कांग्रेस एमाले नै अगाडी रहेका छन् । 




८. धनकुटा– प्रदेश नम्बर एकमै पर्ने पहाडी जिल्ला धनकुटामा भने सातवटै स्थानीय तहमा एमालेले क्लिन स्वीप गरेर कांग्रेस र माओवादी दुवैलाई निल ख्वाएको छ । 




९.ताप्लेजुङ – नौवटा स्थानीय तह रहेको ताप्लेजुङमा सवै तहको परिणाम घोषणा भइसकेको छ । जसमा कांग्रेस ४ र एमालेले ५ वटा स्थानीय तहको प्रमुख पद हतयाएपछि अरु दललाई कुनै तह नै बाँकी नराख्दा उनिहरुको उपस्थिति सुन्य भएको हो । 




१० तेह्रथुम– सवैभन्दा थोरै स्थानीय तह रहेको जिल्ला हो ताप्लेजुङ । पुर्वी पहाडी यो जिल्लामा ६ स्थानीय तह छन् । यो जिल्लामा कांग्रेसलाई समेत आफ्नो उपस्थिति देखाउन झण्डै हम्मेहम्मे परेको छ । ५ स्थानीय तह एमालेले जितेको यो जिल्लामा कांग्रेसले १ तह जितेर आफ्नो उपस्थिति जनाएपनि माओवादी केन्द्रले आफ्नो उपस्थिति देखाउन सकेन ।




११–संखुवासभा– प्रदेश नमबर १ मै पर्ने संखुवासभा जिल्लाका १० स्थानीय तहमध्ये कांग्रेस र एमालेले आधाआधा भागशान्ति जयनेपाल गरेका छन् । कांग्रेसले ५ र एमालेले ५ स्थानीय तहको प्रमुख पद हत्याएपछि यो जिल्लामा पनि माओवादी केन्द्रले आफ्नो उपस्थिति जनाउन असफल रह्यो ।


नोट– अहिलेसम्म ११ जिल्लामा निल भएपनि माओवादी केन्द्रले कञ्चनपुर र मोरङका एक एक स्थानमा अग्रता रहेकाले जिल्लागत संख्या घट्ने सम्भावना रहेको छ ।


Published Date : Wednesday, July 5, 2017

हामीलाई फलो गर्नुहोस् :

प्रतिकृया दिनुहोस्

,

Loading...