साउन २९ गते भोजपुरमा निर्वाचन
Powered by Blogger.
साउन २९ गते भोजपुरमा निर्वाचन

  • अर्थ सरोकार सम्बाददाता 
भोजपुर – स्थानीय तहको निर्वाचन सम्पन्न भएपछि जिल्ला सभाको पहिलो बैठक बसेको छ । सभाको पहिलो रहेको उक्त बैठकले भोजपुरमा नौ सदस्यीय जिल्ला समन्वय समिति गठन गर्ने निर्णय गरेको स्थानीय विकास अधिकारी सीता परियारले जानकारी दिएकी छिन् । जिल्ला समन्वय समिति भोजपुरकोे निर्वाचन आगामी साउन २९ गतेका हुने भएको छ ।

सभापतिमा नेपाली काँग्रेसको तर्फबाट विश्वनाथ पराजुली, डम्बर श्रेष्ठ र नेकपा (एमाले)का तर्फबाट लक्ष्मण खड्का, सविना राईको नाम चर्चामा रहेको छ जसका लागि मनोनयन दर्ता २७ गते गर्नुपर्नेछ । निर्वाचनमा नगरपालिका र गाउँपालिका प्रमुख, उपप्रमुख १८ जनाले मतदान गर्न पाउने भएका छन् । 

जिससका लागि मतदातामा नेकपा (एमाले) बाट नौ, नेपाली काग्रेसका पाँच र नेकपा (माओवादी केन्द्र)का चारजना रहेका छन् । एक प्रमुख, एक उपप्रमुख, तीन महिला र कम्तीमा एकजना दलित वा अल्पसंख्यकसहित ९ सदस्यीय जिल्ला समन्वय समितिको निर्वाचनका लागि मुख्य निर्वाचन अधिकृत प्रकाश श्रेष्ठले साउन २९ का लागि कार्यतालिका सार्वजनिक गरेका हुन् ।


Published Date : Tuesday, August 8, 2017

हामीलाई फलो गर्नुहोस् :

प्रतिकृया दिनुहोस्

,

Loading...