देवः विकास बैंकको खुद नाफा १११.९८% वृद्धि हुँदा पुग्यो २८ करोड ९४ लाख माथि
Powered by Blogger.
देवः विकास बैंकको खुद नाफा १११.९८% वृद्धि हुँदा पुग्यो २८ करोड ९४ लाख माथि

  • अर्थ सरोकार सम्बाददाता 
काठमाडौं - आर्थिक वर्ष २०७३/७४ को चौथो त्रैमासमा देव: ले १११.९८% खुद नाफा बढोत्तरी गरेर २८ करोड ९४ लाख ८४ हजार रुपैयाँ पुर्याएको छ । अघिल्लो वर्ष देवको नाफा १३ करोड ६५ लाख ५६ हजार रुपैयाँमात्र थियो । बैंकको खुद ब्याज आम्दानी पनि ६१% बढेको छ । खुद ब्याज आम्दानी ५५ करोड ४८ लाख ४ हजार रुपैयाँ पुगेको छ । अघिल्लो आवमा देवःको खुद ब्याज आम्दानी ३४ करोड २७ लाख २३ हजार रुपैयाँ थियो । देवः ले गत आर्थिक वर्षमा १० अर्ब ४१ करोड ७ लाख ७४ हजार रुपैयाँ निक्षेप संकलन गरेको छ । यो अघिल्लो आवको तुलनामा ३९.२४% बढी हो । अघिल्लो आवमा बैंकको निक्षेप संकलन ७ अर्ब ४७ करोड ८४ लाख ७७ हजार रुपैयाँ थियो । यता, कर्जा लगानी पनि ५७.११ प्रतिशतले बढेर ९ अर्ब ५७ करोड ६६ लाख २१ हजार रुपैयाँ पुगेको छ । अघिल्लो आवमा ६ अर्ब ९ करोड ५१ लाख ५ हजार रुपैयाँ मात्र कर्जा लगानी थियो । 

बैंकको खराब कर्जा घटेर १.२४% मा सीमित भएको छ । खराब कर्जा अघिल्लो वर्ष ३.९९% थियो । देवः को कस्ट अफ फन्ड भने बढेर ३.७५% बाट बढेर ७.८९% पुगेको छ । बैंकले रिजर्भ कोषमा ४७ करोड ६४ लाख ७ हजार रुपैयाँ जम्मा गरेको छ । अघिल्लो वर्षको तुलनामा कोष ८३.९७% ले बढी हो । बैंकले अघिल्लो वर्ष रिजर्भ कोषमा २५ करोड ८९ लाख ४९ हजार रुपैयाँ राखेको थियो । देवः को चुक्ता पुँजी १ अर्ब ४४ करोड ४९ लाख ८४ हजार रुपैयाँ छ । यो अघिल्लो वर्षको तुलनामा ६३.९९% बढी हो । अघिल्लो आवमा चुक्ता पुँजी ८८ करोड १० लाख ८८ हजार रुपैयाँ थियो । राष्ट्र बैंकले तोकेको चुक्ता पुँजी वृद्धिका लागि देवः ले सहारा विकास बैंक र युनियन फाइनान्सलाई एक्वाएर गर्ने प्रकृयामा छ । साझा विकास बैंकलाई एक्वाएर गर्ने स्वीकृति प्रदान गर्न भदौ १ मा विशेष साधारण सभा समेत बोलाएको छ । देवः को प्रतिसेयर आम्दानी (वार्षिक) २० रुपैयाँ ०३ पैसा छ भने प्रतिसेयर नेटवर्थ १३३ रुपैयाँ ९७ पैसा छ ।

प्रकाशित मिति : Sunday, August 6, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...