हिमालयन बैंकको खुद नाफा १२.४३% बढेर २ अर्ब १७ करोड पुग्यो
Powered by Blogger.
हिमालयन बैंकको खुद नाफा १२.४३% बढेर २ अर्ब १७ करोड पुग्यो

  • अर्थ सरोकार सम्बाददाता 
काठमाडौं - आर्थिक वर्ष २०७३/७४ को चौथो त्रैमासमा हिमालयन बैंकले २ अर्ब १७ करोड ६४ लाख ८७ हजार रुपैयाँ खुद नाफा कमाएको छ । बैंकले अघिल्लो वर्ष यही अवधिको तुलनामा १२.४३% ले खुद नाफा वृद्धि गरेको हो । अघिल्लो वर्ष बैंकले १ अर्ब ९३ करोड ५९ लाख ७ हजार रुपैयाँ खुद नाफा कमाएको थियो । खुद ब्याज आम्दानी पनि अघिल्लो वर्षको तुलनामा ९.०८% ले मात्र वृद्धि भएको छ । हिमालयनले ३ अर्ब ७६ करोड ३४ लाख ८ हजार रुपैयाँ खुद ब्याज आम्दानी गरेको छ । बैंकले ९१ करोड ५२ लाख ५७ हजार रुपैयाँ राइट ब्याक गरेको छ भने संभावित जोखिमका लागि ८१ करोड ७३ लाख २७ हजार रुपैयाँ छुट्याएको छ । यो त्रैमासमा हिमालयनले ९२ अर्ब ८८ करोड ११ लाख १४ हजार रुपैयाँ निक्षेप संकलन गरेको छ । बैंकको कर्जा लगानी पनि ७७ अर्ब ६५ करोड ४९ लाख ७४ हजार रुपैयाँ पुगको छ । अघिल्लो वर्षको तुलनामा निक्षेप ६.३४% र कर्जा लगानी १४.६३% ले वृद्धि भएको हो ।

हिमालयन बैंकले अघिल्लो वर्ष १.२३% रहेको खराब कर्जालाई कम गरेर ०.८७% मा सीमित राखेको छ । यसैगरी, कर्जा निक्षेप अनुपात ७९.०७% छ । बैंकको कस्ट अफ फन्ड बढेको छ । अघिल्लो वर्ष २.२७% रहेको कस्ट अफ फन्ड यो त्रैमासमा ३.९९% पुगेको छ । बैंकको इक्विटीमा प्रतिफल पनि २४.२०% बाट घटेर २१.२४% मा आएको छ । हिमालयनले चुक्ता पुँजी १०.९८% ले वृद्धि गरी ६ अर्ब ४९ करोड १६ लाख २४ हजार रुपैयाँ पुर्याएको छ । अघिल्लो वर्ष बैंकको चुक्ता पुँजी ५ अर्ब ८४ करोड ८८ लाख ८९ हजार रुपैयाँ थियो । बैंकले रिजर्भ कोषमा ७७.२९% वृद्धि गरी ५ अर्ब २७ करोड ४४ लाख ६१ हजार रुपैयाँ जम्मा गर्न सफल भएको छ । हिमालयनको प्रतिसेयर आम्दानी ३३ रुपैयाँ ५३ पैसा र प्रतिसेयर नेटवर्थ १८१ रुपैयाँ २५ पैसा छ ।


Published Date : Sunday, August 13, 2017

हामीलाई फलो गर्नुहोस् :

प्रतिकृया दिनुहोस्

,

Loading...