राष्ट्रिय अनुसन्धान विभागले माग्यो २२ अधिकृतसहित ५५ कर्मचारी
Powered by Blogger.
राष्ट्रिय अनुसन्धान विभागले माग्यो २२ अधिकृतसहित ५५ कर्मचारी


  • अर्थ सरोकार सम्बाददाता 

काठमाडौँ - साउन २६ गतेदेखि ३० दिनभित्र तोकिएका कार्यालयमा तोकिएको शर्त पूरा गरी दरखास्त दिन  राष्ट्रिय अनुसन्धान विभागले सूचना प्रकाशित गरी आह्वान गरेको छ ।  विभागले अनुसन्धान अधिकृतसहित ५५ स्थायी दरबन्दी पदपूर्तिका लागि दरखास्त आह्वान गरेको हो । समावेशी सिद्धान्त अनुसार पदपूर्ति हुनेछ । विभागले अनुसन्धान अधिकृतमा २२ जनशक्ति पदपूर्तिको लागि दरखास्त आह्वान गरेको छ जसमा १२ खुल्लामा,  ३ आदिवासी जनजाति, ३ मधेशी, २ महिला, १ दलित  र १ जना पिछडिएको क्षेत्रमा माग गरेको छ ।

त्यसैगरी  ३३ जना अनुसन्धान सहायकमा माग गरिएको छ । जसमा खुल्लामा १८, आदिवासी जनजातिमा ५, मधेशीमा ४, महिला ३, दलित २ र पिछडिएको क्षेत्रमा १ जना माग गरिएको छ । दरखास्त फाराम राष्ट्रिय अनुसन्धान विभागको केन्द्रीय कार्यालय सिंहदरबार र क्षेत्रीय कार्यालयहरु धरान, हेटौंडा, पोखरा, वीरेन्द्रनगर र दिपायलमा समेत बुझाउन सकिनेछ र दरखास्त दिने म्याद साउन २६ गतेदेखि ३० दिन कायम रहने जानकारी स्रोतले जनाएको छ । 

 मान्यताप्राप्त शिक्षण संस्थाबाट स्नातक उत्तीर्ण गरेकाले अनुसन्धान अधिकृतको हकमापाउने छन् । अनुसन्धान सहायकको हकमा प्रवीणता प्रमाणपत्र वा सो सरह उत्तीर्ण भएको हुनुपर्नेछ । अनुसन्धान अधिकृतमा पुरुषको उमेर २१ वर्ष पूरा भई २५ ननाघेको तथा महिलाको हकमा २१ वर्ष पूरा भई ३० वर्ष ननाघेको हुनुपर्नेछ । यस्तै, सहायकमा पुरुषका लागि १८ वर्ष पूरा भई २५ वर्ष नकटेको तथा महिलाको हकमा १८ वर्ष पूरा भई ३० वर्ष पूरा नभएको हुनुपर्नेछ ।


Published Date : Thursday, August 10, 2017

हामीलाई फलो गर्नुहोस् :

प्रतिकृया दिनुहोस्

,

Loading...