क्रान्तिकारी पत्रकार संगठनका जन्मदेव जैशी नेपाल पत्रकार महासंघको केन्द्रीय सदस्यमा निर्वाचित
Powered by Blogger.
क्रान्तिकारी पत्रकार संगठनका जन्मदेव जैशी नेपाल पत्रकार महासंघको केन्द्रीय सदस्यमा निर्वाचित


काठमाडौँ - क्रान्तिकारी पत्रकार संगठन नेपालका केन्द्रिय सचिवालय सदस्य उपत्यका विशेष व्युरो संयोजक पत्रकार जन्मदेव जैशी नेपाल पत्रकार महासंघको केन्द्रीय सदस्यमा निर्वाचित भएका छन् । सोमबार भएको निर्वाचनमा उनले आफ्नो उम्मेद्वारी दिएका थिए । मंगलबार बिहानै आएको नतिजा अनुसार उनी भारी मतले बिजय भएका छन् । खुला केन्द्रीय सदस्यमा उम्मेद्वारी दिएका उनि अत्यधिक मत प्राप्त प्राप्त गरी बिजयी भएका छन्। उनले ६५१ मत प्राप्त गरेका छन् ।

निरन्तर क्रान्तिकारी खेमा रहेर श्रमजीवी पत्रकारहरुको हक हितका निम्ती लड्ने छबी बनाएका जैसी बामपन्थी पत्रकारहरु माझ लोकप्रिय छन् । नेपालको बिकट भूगोलको रुपमा चिनिएको कर्णालीको कालिकोट घर भएका जैसी २०५६ साल देखि निरन्तर पत्रकारीता पेशामा रहेका छन् । 

विगत १८ बर्ष देखि निरन्तर पत्रकारीता पेशामा रहेका जन्मदेव जैसीले समदृष्टी, साँघु, जनआह्वान, जनदिशा, प्रकाश साप्ताहीक, नेपाल एफएम, जनादेश साप्ताहीक, सौर्य साप्ताहीकमा लामो समयसम्म कार्यरत रहेर काम गरिसकेका छन ।

नेपाल पत्रकार महासंघलाई ब्यबसायिक पत्रकारहरुको छाता संगठनको रुपमा विकास गर्नु पर्ने मान्यता राख्दै आएका जैसीले नेपाल पत्रकार महासंघलाई गैर पत्रकारहरुको भर्तिकेन्द्र हुनवाट बचाउनुपर्ने वताउदै आएका थिए । आफुलाई बिग मिडिया हाउस भनेर दाबी गर्ने नेपालका केही सञ्चारगृहका मालिक र पत्रकारहरुले जैसीलाई विस्थापित गर्न खोजेपनि उनी देशभरिका पत्रकारहरुको माझमा लोकप्रिय रहेको उनको बिजयले पुष्टी गरेको छ ।

प्रकाशित मिति : Tuesday, August 22, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...