प्रचण्डले एकताको सपना नदेखे हुन्छ : वैद्य
Powered by Blogger.
प्रचण्डले एकताको सपना नदेखे हुन्छ : वैद्य



सुर्खेत - नेपाल कम्युनिष्ट पार्टी क्रान्तिकारी (माओवादी)का अध्यक्ष मोहन वैद्यले माओवादी केन्द्रसँग कहिल्यै एकता नहुने बताए ।

पार्टीको प्रदेश बैठकपछि प्रदेश कमिटीले आयोजना गरेको पत्रकार सम्मेलनमा बोल्दै उनले एकताको सपना नदेख्न माअाेवादी अध्यक्ष प्रचण्डलार्इ सुझाव समेत दिएका छन् ।

'दशवर्षे जनयुद्धको म्याण्डेटअनुरुप काम भएकै छैन, क्रान्तिलाई बिचैमा छाेडेर जाने प्रचण्डले एकताकाे अाह्वान गर्नुकाे अाैचित्य नै छैन ।' उनले भने - 'हाम्रो पार्टीले नयाँ जनवादी क्रान्ति गर्छ र देशमा आमूल परिवर्तन ल्याउछ ।'

आगामी असोज २१ गते पार्टीको राष्ट्रिय महाधिवेशन पोखरामा सम्पन्न हुने र उक्त महाधिवेशनले नयाँ रणनीति बनाउने र चुनावमा भाग लिने या नलिनेबारे आगामी सचिवालयको बैठकले निर्णय गर्ने अध्यक्ष वैद्यले बताए। 

नेपालमा क्रान्तिकारी र अवसरवादी धार रहेको र आफूहरु क्रान्तिकारीसँग मात्रै कार्यगत एकता गरेर जाने बताउँदै उनले देशको रूपान्तरणका लागि नयाँ जनवादी क्रान्तितर्फ जानुको विकल्प नरहेकाले सबै राष्ट्रवादी शक्ति एकताबद्ध हुनुपर्नेमा जोड दिए ।

माकेका अध्यक्ष प्रचण्ड नेपाल कम्युनिष्ट पार्टी र क्रान्तिकारी माओवादीसँग एकता गर्ने भन्दै ठुलो रस्साकस्सीमा लागेका । यी २ पार्टीसँग एकताका लागि लबिङ गर्न उनले आफ्ना नेतादेखि कार्यकर्ताहरुलाई परिचालन गरेका छन ।

तर क्रान्तिबाट भागेर दलाल संसदीय राजनीतिमा चुर्लुम्म डुबेको भन्दै कम्युनिष्ट पार्टी र क्रान्तिकारी माओवादीले उनको एकताको प्रस्तावलाई सिधै आविस्कार गर्दै आएका छन् ।

प्रकाशित मिति : Tuesday, September 12, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...