मेगा बैंकको ६५% हकप्रद खुल्यो, यी ठाउँबाट फारम भर्ना सकिन्छ
Powered by Blogger.
मेगा बैंकको ६५% हकप्रद खुल्यो, यी ठाउँबाट फारम भर्ना सकिन्छ

  • अर्थ सरोकार सम्बाददाता 
काठमाडौं - मेगा बैंकले मंगलबारदेखि ६५% हकप्रद सेयर बिक्री खुला गरेको छ । राष्ट्र बैंकले तोकेको चुक्ता पुँजी ८ अर्ब पुर्याउने मिसनमा रहेको मेगाले १०ः६.५ अनुपातमा १०० रुपैयाँ अंकित मूल्यको २ करोड ९७ लाख ८५ हजार ३४.६३ कित्ता सेयर बिक्री खुला गरेको हो । यो हकप्रद सेयर असोज ३० गतेसम्म भर्न पाइनेछ । हकप्रद निष्कासनपछि मेगाको चुक्ता पुँजी ७ अर्ब ५६ करोड ८ लाख १६ हजार ४८१.८१ रुपैयाँ हुनेछ । यसमा माघ ६ गतेसम्म कायम रहेका सेयरधनीले मात्र आवेदन दिन सक्नेछन् । 

मेगा र टुरिजम डेभलपमेन्ट बैंक मर्ज हुने सैद्धान्तिक सहमति भएपछि माघ ९ गतेदेखि बैंकको सेयर कारोबार रोक्का छ । यो हकप्रदमा नबिल इन्भेष्टमेन्ट बैंकिंङ लिमिटेड नक्साल काठमाडौं र मेगा बैंकको केन्द्रीय कार्यालय राइजिङ मल काठमाडौं तथा यसका अधिकांश शाखा कार्यालयबाट आवेदन दिन सकिनेछ । नबिल इन्भेष्टमेन्ट बैंकिंङबाट भने चेकमात्र बुझ्ने व्यवस्था गरिएको छ । मेगाको बिक्री प्रबन्धक नबिल इन्भेष्टमेन्ट बैंकिंङ हो । हाल मेगाको चुक्ता पुँजी ४ अर्ब ५८ करोड २३ लाख १३ हजार रुपैयाँ छ । गत आर्थिक वर्षको चौथो त्रैमासमा बैंकले ७९ करोड १४ लाख १३ हजार रुपैयाँ खुद नाफा कमाएको छ । मेगाको प्रतिसेयर आम्दानी १७ रुपैयाँ १७ पैसा र प्रतिसेयर नेटवर्थ १२७ रुपैयाँ ९७ पैसा छ ।


Published Date : Tuesday, September 12, 2017

हामीलाई फलो गर्नुहोस् :

प्रतिकृया दिनुहोस्

,

Loading...