ओम डेभलपमेन्ट बैंकले ३०% हकप्रद ल्याउन कहिले गर्ने भयो त बुक क्लोज ?
Powered by Blogger.
ओम डेभलपमेन्ट बैंकले ३०% हकप्रद ल्याउन कहिले गर्ने भयो त बुक क्लोज ?

  • अर्थ सरोकार सम्बाददाता 
काठमाडौं - भदौ ३० मा ओम डेभलपमेन्ट बैंकले ३०% हकप्रद जारी गर्न बुक क्लोज गर्ने भएको छ । यसआधारमा भदौ २९ गतेसम्म कायम सेयरधनीले मात्र यस हकप्रदमा आवेदन दिन सक्नेछन् । बैंकले ३०% हकप्रद निष्कासनको लागि धितोपत्र बोर्डबाट अनुमति पनि पाइसकेको छ । 

अब ओमले १०ः३ अनुपातमा प्रतिकित्ता १०० रुपैयाँ दरको ४९ लाख ३१ हजार ८३५ कित्ता हकप्रद सेयर बिक्री खुला गर्नेछ । ओमको बिक्री प्रबन्धक एनआइबीएल क्यापिटल मार्केट्स लिमिटेड रहेको छ । राष्ट्रियस्तरको विकास बैंकलाई राष्ट्र बैंकले २ अर्ब ५० करोड रुपैयाँ चुक्ता पुँजी पुर्याउन निर्देशन दिएपछि ओमले हकप्रदको बाटो रोजेको हो । पुँजी बृद्धिकै लागि ओम र मनास्लु विकास बैंक एक आपसमा गाभिएर असार २ गतेदेखि एकीकृत कारोबार पनि सुरु गरिसकेका छन् । 

मनास्लु गाभिएपछि ओमको चुक्ता पुँजी १ अर्ब ६४ करोड ३९ लाख ४४ हजार ७९५ रुपैयाँ पुगेको छ । बैंकले यही चुक्ता पुँजीको ३०% कप्रद सेयर जारी गर्न अनुमति पाएको हो । गत आर्थिक वर्षको चौथो त्रैमासमा ओमले ४३ करोड ३४ लाख रुपैयाँ खुद नाफा कमाएको छ । बैंकको प्रतिसेयर आम्दानी २६ रुपैयाँ २७ पैसा र प्रतिसेयर नेटवर्थ १६० रुपैयाँ ३० पैसा छ ।

प्रकाशित मिति : Thursday, September 7, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...