सनराइज बैंकले दिने भयो १५% बोनस, कर तिर्न सेयरधनीलाई नै झन्झट
Powered by Blogger.
सनराइज बैंकले दिने भयो १५% बोनस, कर तिर्न सेयरधनीलाई नै झन्झट

  • अर्थ सरोकार सम्बाददाता 
काठमाडौं - सनराइज बैंकले १५% बोनस सेयर दिने भएको छ । तर बोनस सेयरमा लाग्ने कर भने सेयरधनीबाटै उठाउने बैंकले जनाएको छ । बिहीबार बसेको सञ्चालक समिति बैठकले असोज ८ गतेदेखि लिलामीमा बिक्री गरिने सेयरपछि कायम हुने चुक्ता पुँजीको १५% बोनस सेयर दिने निर्णय गरेको हो । हकप्रद तथा हकप्रद नबिकेर लिलामी भरेकाा सेयरधनीले समेत बोनस सेयर पाउनेछन् । 

लिलामीमा सेयर बिक्री गरिसकेपछि बैंकको चुक्ता पुँजी ७ अर्ब ८ करोड ९१ लाख ७९ हजार रुपैयाँ पुग्नेछ । यो पुँजीबाट बैंकले १ अर्ब ६ करोड ३३ लाख ७६ हजार ८५० रुपैयाँ बराबरको बोनस सेयर दिने भएको हो । यसरी बोनस दिइसकेपछि सनराइजको चुक्ता पुँजी ८ अर्ब १५ करोड २५ लाख ५५ हजार ८५० रुपैयाँ पुग्नेछ । गत आर्थिक वर्षको चौथो त्रैमाससम्मा बैंकले १ अर्ब १६ करोड ८९ लाख रुपैयाँ खुद नाफा कमाएको छ । बैंकको प्रतिसेयर आम्दानी १६ रुपैयाँ ६६ पैसा छ भने प्रतिसेयर नेटवर्थ १३२ रुपैयाँ ९९ पैसा छ ।

प्रकाशित मिति : Friday, September 15, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...