हुन्डाईको गाडी बेच्ने 'ठग' कम्पनीको स्वीकारोक्ति, 'पहिलेजस्तो क्रेज छैन, गाडीको विक्री घटेको सत्य हो'
Powered by Blogger.
हुन्डाईको गाडी बेच्ने 'ठग' कम्पनीको स्वीकारोक्ति, 'पहिलेजस्तो क्रेज छैन, गाडीको विक्री घटेको सत्य हो'

  • अर्थ सरोकार सम्बाददाता 
काठमाडौँ - 'केहि समयअघि मात्र सम्पन्न भएको नाडा अटो शोमा हुन्डाईका गाडीहरु कति बिक्रि भए होलान् ? हुन्डाईको ठगी धन्दाबारे अर्थ सरोकार डटकमले लगातार फलोअप गरेपछि त्यसको असर बजारमा पर्यो कि परेन ? हुन्डाईलाई हेर्ने जनताको नजरमा परिवर्तन भयो कि भएन ? कति गाडी 'बुक' भए होलान् ?' लगायतका प्रश्न बोकेर हामी मंगलबार दिउँसो हुन्डाईका लागि नेपालको विक्रेताकहाँ पुगेका थियौं । यस कम्पनीका मालिक निराकार श्रेष्ठसँग सम्पर्क नभएपछी हामीले कम्पनीका सिनियर मार्केटिङ मेनेजर (ब्रान्ड) अवाशिस ओझासँग कुराकानी गरेका छौं । 

कुराकानीका क्रममा उनले हुन्डाईको व्यापार घटेको स्वीकारे भने कति गाडी बुक भएको छ भन्ने कुरा खोल्न मानेनन् । यस अलावा उनले हुन्डाईका बारेमा आएका समाचारका बारेपनि हामीसँग कुराकानी गरेका छन् । झन्डै १ घण्टा भन्दा बढी समयको कुराकानीमा उनले कम्पनीका केहि आन्तरिक कुराहरु पनि खोलेका छन् । 'यसपाली नाडा अटो शोमा सबै भन्दा नरुचाईएको ब्राण्डको रुपमा हुन्डाई रहेको जानकारी पाएका हामीले उनालाई गाडीको सेल्स घट्नुका बारे सोधेका थियौं । हेरौं अर्थ सरोकार डटकम प्रतिनिधिले उनीसंग गरेको कुराकानीको एक अंश : 

१. 'गाडी कति बुक भयो ? कति बिक्रि भयो नाडा अटो शोमा ?'
(सुरुमै रिसाउँदै) त्यो जानकारी तपाईंलाई नै थाहा होला नि ! हुन्डाईको बारेमा त सबै कुरामा जानकार हुनुहुन्छ तपाईं । हामी त त्यो जानकारी दिंदैनौं । दिन मिल्दैन । 

२. अरुले त दिएका छन् त ! कति ठगी भो भनेर हिसावकिताव हुन्छ भनेर नदिएको हो कि क्या हो ?
कारण जे सुकैभएपनि कति गाडी बुक भए वा कति गाडी बिक्रि भए भन्ने जानकारी दिन मिल्दैन । हामी मार्केटिङ विभागका हौँ । त्यो सेल्सको कुरा हो । हुन त सेल्सले पनि तपाईंलाई जानकारी दिंदैन । त्यो कम्पनीको आन्तरिक कुरा हो । हामी कति गाडी बिक्रि भए वा कति गाडी बुक भए भन्ने कुरा जानकारी दिंदैनौं ।

३. तर हुन्डाईको गाडी त निकै कम विक्री वा बुक भए भन्ने कुरा आएको छ नि ?
त्यो सत्य हो । हुन्डाईको गाडी निकै कम विक्री भएको छ । पहिला त दशैं अघि हाम्रो शो रुममा निकै भीड हुन्थ्यो । यसपाली भीड छैन । नाडा अटो शोमा पनि ग्राहकको खासै रुची देखिएन । हाम्रा गाडीहरु पहिलाजसरी बुक भएनन् । समग्रमा पोहोरको तुलनामा गाडीको सेल्स घटेको पक्कै हो ।

४. सरासर जनतालाई ठग्नुहुन्छ, अनि कसरी बढ्छ त गाडीको सेल्स ?
हेर्नुहोस्, यसबारे तपाईंले धेरै लेखिसक्नुभएको छ । मैले भनीरहनुपनि पर्दैन । तर गाडीको शुल्क भनेको भन्सारमा लागेको शुल्क मात्रै गनेर हुँदैन । यहाँ थुप्रै खर्च हुन्छ । यत्रो स्टाफ छन् । प्रमोसनमा खर्च हुन्छ । अन्य खर्च पनि हुन्छ । अनि तपाईंले गरेको ठाडो हिसावमा त गाडी बेच्न कहाँ सकिन्छ र ?

५. तर कानुनमा त स्पष्टसंग लेखिएको छ त, '२०% भन्दा बढी फाइदा खान पाइंदैन भनेर ! होइन र ?
अव त्यो के हो मलाइ थाहा छैन । 

६. जनता त जागेछन् त ! हुन्डाईको गाडी नै कम विक्री भएछ त ?
यसमा कुरा त्यस्तो होइन । लोनको सुविधा खासै दिएनन् बैंकहरुले । इन्ट्रेस्ट कुनबेला बढ्छ पत्तो छैन । त्यहि भएर गाडीको सेल्स घटेको हो ।

७. लौ ! त्यत्रो बैंकले ब्याजदर नबढ्ने गरी कर्जा दिएका थिए त ! कतिले त शोमै स्टल राखेर पनि प्रचार गरेका थिए त ! ब्याज कै कारणले यस्तो भएको हो र ?
खै ! त्यो त मलाइ थाहा भएन । 

८. देशको कानुन मिचेर खुब ठगी गरिरहनुभएको छ है ?
'एभ्रीबडी आर डुइङ दियर बिजनेश। ' हामीले ठगेका छैनौं । हाम्रो काम ठग्ने पनि होइन । यो व्यापार हो र व्यापार नाफा कै लागि हुन्छ । तपाईंहरुले गरेको हिसाव नै मिलेको छैन । हाम्रो खर्चको पनि हिसाव हुनुपर्छ । त्यसमाथि यसरी हामीले मात्र ठगेको हो र ? हामीलाई मात्र किन पछ्याउनुहुन्छ । सबैले यसरि नै त बेचीरहेका छन् नि ! कसले बेच्न सकेको छ र २०% भन्दा कम नाफा खाएर ? 

९. गाडीले विभिन्न अफरका नाममा ठगी गरिरहेको छ नि ! नयाँ अफर के छ ?
हुन्डाईको के के अफर छ, कसरी ठगी भैरहेको छ भन्ने कुरा त अर्थ सरोकार डटकमले लेख्या लेख्यै छ त । यस विषयमा हामीलाई भन्दा तपाईंलाई नै थाहा होला नि ! होइन र ?

१०. ए ! अर्थ सरोकार डटकम हेर्नुहुन्छ ?
अफिसमा त ब्लक गरिदिएका छौं । साथीहरुले लिंक पठाए भने कहिलेकाहीं हेर्छु । जे होस् तपाईंको समाचार पढ्छु । हुन्डाईको बारेमा पढेको थिएँ । तर समाचार पढ्नु मात्रै बाहेक केहि विकल्प छैन ।

११. केहि व्यक्तिगत प्रश्न सोधें है, हामीप्रति तपाईंको टिप्पणी के छ ?
अर्थ सरोकार डटकम पहिला पहिला खुब हेर्थें । हुन्डाईको न्यूज आउन थालेपछी हेर्ने मन लाग्न छोड्यो । आजकल मलाइ तपाईंहरुको शैली मन पर्दैन । हाम्रो मात्र होइन शिवम् सिमेन्टको न्यूज लगातार आइरहेको छ । केशवजी (शिवम् सिमेन्टका ब्राण्ड मेनेजर) संग रेगुलरजस्तो कुरा हुन्छ । राजु (मारुती सिमेन्टका ब्रान्ड मेनेजर) संग पनि रेगुलर कुरा हुन्छ । तपाईंहरुको समाचारको बारेमा चर्चा हुन्छ । तर चर्चा गर्नु बाहेक अन्य विकल्प पनि छैन । कहिलेकाहीं त दिक्क पनि लाग्छ । 

१२. के हो ? ठग ठग कम्पनीका ब्राण्डका साथीहरु त कुरा भइराख्दो रहेछ त ?
त्यस्तो होइन । कुरा हुन्छ भनेको हो । सबै हाम्रै साथी हुन् ।

१३. एउटा व्यक्तिगत प्रसङ्ग उठाउं है ! सबैले ठग कम्पनीको ब्राण्ड मेनेजर भन्छन् ! कस्तो लाग्छ ?
पहिला पहिला साथीहरुले अर्थ सरोकार डटकमको लिंक खुब पठाउंथे । आजकल त पठाउनै छाडेका छन् । एउटा दुइटा भए पो पठाउनु ! तपाईंले १८-२० वटा हुन्डाईका न्यूज हालीसक्नुभयो । तर पनि म खुसी छु । यसभन्दा अघिको ज्योति ग्रुप र यो लक्ष्मी ग्रुपमा म सन्तुष्ट छु । पहिला काम गरेको कतिपय ठाउँमा सन्तुष्ट थिइन् । सुरु सुरुमा समाचार आउँदा साथीहरुले सोध्थे । अहिले सोध्दैनन । बरु तपाईंहरुले हिजो भी-चित्र को न्यूज हाल्नुभएको रहेछ । म ४ बर्ष त्यहीं काम गरेको हुँ । साथीहरुले त्यो लिंकचाहिं पठाएका थिए ।

अर्थ सरोकार अटो अपरेशनका यी सामाग्री छुटे कि ?

अपरेशन नम्बर १० 
गाडी बिक्नै छाडेपछि 'ठग' कम्पनीको यो हदसम्मको नाटक, जनता फसाउन उधारो कारोबारको 'पासा' !

अपरेशन नम्बर ९
जनता लुट्ने हुन्डाईको नयाँ 'टेक्निक' ! नयाँ बर्षमा 'शुन्य ब्याजमा गाडी किन्न पाउने योजना'

अपरेशन नम्बर ८
मिस नेपाललाई प्रयोग गरेर हुन्डाईले सुरु गर्यो ठगीको अर्को एपिसोड, गैरकानुनी रुपमा बेचिंदैछ २०१७ ग्राण्ड आर्इ -१०

अपरेशन नम्बर ७
'असुरक्षित' भएको थाहा पाएपछि केपी ओलीले स्कोरपियो चढ्न छाडेको खुलासा !

अपरेशन नम्बर ६ 
हुन्डाइ कार बेच्ने कम्पनी भन्छ, 'पत्रकारको काम लेख्ने हो, लेखिरहुन्, हाम्रो काम जनता लुट्ने हो, लुटिरहन्छौं'

अपरेशन नम्बर ५  : 
अपरेशन नम्बर ४ : 
अपरेशन नम्बर ३ :

अपरेशन नम्बर २ : 

अपरेशन नम्बर १ : 

प्रकाशित मिति : Wednesday, September 13, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...