भारतीय राजदुतले भेटका लागि गरेको प्रस्ताव देवनारायण यादवद्वारा ठाडै अस्वीकार
Powered by Blogger.
भारतीय राजदुतले भेटका लागि गरेको प्रस्ताव देवनारायण यादवद्वारा ठाडै अस्वीकार

काठमाडौं – सप्तरी तिलाठीका सीमारक्षकको रुपमा परिचित देवनारायण यादवले भारतीय राजदुत मञ्जिवसिंह पुरीलाई भेट्न अस्विकार गरेका छन् । भारतीय सरकारको गैर कानुनी थुनाबाट केही दिनअघि मात्र तारेखमा मुक्त भएका यादवलाई भेटका लागि राजदुत पुरीले खवर थिए ।

‘मलाई भारतीय राजदुतले भेट्न खवर पठाउनु भएको छ । तर मलाई भेट्न मन छैन’ शुक्रबार अपरान्ह नेपाल बार हलमा नागरिक समाजका केही अगुवासँग यादवले भने। तिलाठी काण्डपछि चर्चित भएका यादवलाइ अपहरणको मुद्धा लगाएर भारतीय सुरक्षाकर्मीले तीन साताअघि पक्राउ गरी थुनेको थियो । भारतीय कारागारबाट तारेखमा छुटेर नेपाल फर्केपछि उहाँ काठमाडौं आएर एमाले प्रवेश गरेका छन् । उनलाई बिहिबार एमाले संसदीय दलको कार्यलयमा एमाले अध्यक्ष केपी शर्मा ओलीले पार्टी प्रवेश गराएका थिए ।

हिरण्यलाल श्रेष्ठ, द्वारिकानाथ ढुँगेल, शम्भु थापा, टिकाराम भट्टराई लगायतको पहलमा बार हलमा भएको भेटमा यादवले आफूलाई सीमा रक्षाको ईबी साँध्न पक्राउ गरिएको बताए । यादवलाई स्वागत गर्दै बरिष्ठ अधिबक्ता थापाले भारतीय अदालतमा गएरै सहयोग गर्न तयार रहेको बताएका छन्। गतबर्ष भदौमा भारतीय पक्षले एकतर्फी रुपमा बनाएको बाँध भत्काउँदा यादवलाई भारतीय सुरक्षाकर्मीले कुटपिट गरी घाइते बनाएका थिए । - एस काठमाडौँ 

प्रकाशित मिति : Friday, October 13, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...