आइसीएफसी फाइनान्सको १०% बोनसमा मूल्य समायोजन

  • अर्थ सरोकार सम्बाददाता 
काठमाडौं - आइसीएफसी फाइनान्सको १०% बोनस सेयरमा मूल्य समायोजन भएको छ । नेप्सेमा फाइनान्सको बोनस पछिको मूल्य प्रतिकित्ता २४६ रुपैयाँ कायम भएको छ । यसआधारमा बुधबार कम्पनीको सेयर कारोबार प्रतिकित्ता २४६ रुपैयाँमा खुला भएको छ । फाइनान्सको औसत आधार मूल्य भने २७४ रुपैयाँ छ । 

आइसीएफसीले असोज ३१ गते साधारण सभा गर्न बुधबारदेखि बुक क्लोज गरेको हो । सभामा १०% बोनस सेयर र ११.०५% नगद लाभांश दिने प्रस्ताव लगिंने भएको छ । हाल आइसीएफसीको चुक्ता पुँजी ८० करोड १७ लाख ८४ हजार रुपैयाँ छ । गत आर्थिक वर्षमा फाइनान्सले १९ करोड ५२ लाख ८० हजार रुपैयाँ खुद नाफा कमाएको छ । यसको प्रतिसेयर आम्दानी २४ रुपैयाँ ३६ पैसा र प्रतिसेयर नेटवर्थ १४४ रुपैयाँ ३८ पैसा छ ।
प्रकाशित : Wednesday, October 11, 2017

recent

Popular Posts