सप्तकोशीको सेयर लिलामी आजदेखि खुल्यो, कात्तिक १ गते अन्तिम म्याद
Powered by Blogger.
सप्तकोशीको सेयर लिलामी आजदेखि खुल्यो, कात्तिक १ गते अन्तिम म्याद

  • अर्थ सरोकार सम्बाददाता 
काठमाडौं - असोज २५ गते देखि सप्तकोशी डेभलपमेन्ट बैंकले ९ लाख ७३ हजार ६७७ कित्ता सेयर लिलामीमा ल्याएको छ । बैंकले संस्थापक समूहको ९ लाख २५ हजार ५५७ कित्ता र सर्वसाधारण समूहको ४८ हजार १२० कित्ता गरि कुल ९ लाख ७३ हजार ६७७ कित्ता सेयर लिलामीमा बिक्री खुला गरेको होे । न्यूनतम १०० रुपैयाँलाई आधार मानेर त्यसभन्दा बढी भाउ तोकी लगानीकर्ताले निवेदन दिनुपर्नेछ । लिलामी सेयरमा आवेदन दिने अन्तिम म्याद कात्तिक १ गतेसम्म तोकिएको छ । 

प्रबन्धक एनएमबी क्यापिटल लिमिटेड, नागपोखरी काठमाडौं तथा सप्तकोशी डेभलपमेन्ट बैंकको कर्पोरेट कार्यालय विराटनगर–९ मोरङमा पुग्ने गरी फारम बुझाउनुपर्नेछ । संस्थापक समूहको बोलपत्र कात्तिक ७ गते दिउँसो ३ बजे र सर्वसाधारण समूहको सोहि दिन दिउँसो ३.३० बजे एनएमबी क्यापिटल लिमिटेड, नागपोखरी काठमाडौंमा खोलिनेछ । सप्तकोशीले ११% बोनस सेयर र कर तिर्न ०.५८% नगद लाभांश दिने घोषणा गरिसकेको छ । बैंकले गत आर्थिक वर्षको अन्त्यसम्म कायम २१ करोड १० लाख रुपैयाँबाट ११% बोनस सेयर र कर तिर्न १२ लाख २१ हजार ५७८.९५ रुपैयाँ नगद लाभांश दिन लागेको हो । बैंकले हकप्रद बिक्री गर्नुभन्दा अघि कायम पुँजीबाट लाभांश दिन लागेको हो । 

प्रकाशित मिति : Wednesday, October 11, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...