ट्रम्पलाई माझी औँला देखाउने महिलाको जागिर चैट !
Powered by Blogger.
ट्रम्पलाई माझी औँला देखाउने महिलाको जागिर चैट !

भर्जिनिया – गल्फ खेलेर ह्वाइट हाउसतर्फ फर्किँदै गरेका अमेरिकी राष्ट्रपति डोनाल्ड ट्रम्पलाई माझी औँला देखाउने महिलालाई जागिरबाट निकालिएको छ । ट्रम्पलाई औँला देखाउँदै गरेको उनको तस्वीर गत साता भाइरल भएको थियो ।

भर्जिनियामा अक्टोबर २८ मा ट्रम्पलाई औँला देखाउने ती साइकलयात्री जुली ब्रिस्कम्यान भएको खुलासा भएको छ ।

ट्रम्पको मोटरकेडमा रहेका एक फोटोग्राफरले उनको फोटो खिचेका थिए, जुन लगत्तै भाइरल बनेको थियो। त्यही फोटोलाई उनले आफ्नो ट्विटर र फेसबुकको प्रोफाइल पिक्चरका रुपमा प्रयोग गरेकी थिइन् ।

त्यसपछि भर्जिनियास्थित अकिमा नामक कम्पनीमा विगत ६ महिनादेखि कार्यरत ब्रिस्क्म्यानलाई हाकिमहरुले बोलाएका थिए। ‘उनीहरुले भने, ‘तपाईंसँग हामी छुट्टिँदैछौँ’ उनले हफिंगटन पोस्टलाई भनेकी छन् ।

उनको अश्लील हर्कतले सरकारी ठेकेदारी गर्ने कम्पनीलाई नोक्सान हुने भन्दै आफूलाई बर्खास्त गरिएको उनले बताएकी छन् ।

यद्यपि यसबाट आफूलाई कुनै दुःखेसो नभएको पनि उनले स्पष्ट पारेकी छन् । उनले आफू विरोधको तस्वीर बन्न पाएको खुसी रहेको पनि बताएकी छन् ।

कतिपयले उनको विरोधको स्वरलाई दबाउन खोजिएको भन्दै सामाजिक सञ्जालमा असन्तुष्टि पोखेका छन् । यद्यपि भर्जिनियामा रोजगारदाताको इच्छाअनुसार कर्मचारीलाई जुनसुकै बेला बर्खास्त गर्न सक्ने कानुनी व्यवस्था छ ।

जे होस्, दुई सन्तानकी आमा ५० वर्षीया ब्रिस्कम्यान अहिले जागिरको खोजीमा छिन् । - एजेन्सी

प्रकाशित मिति : Tuesday, November 7, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्


Loading...