रुकुममा जनार्दन शर्मामाथि शहिद परिवार निर्मलाले गरिन चप्पल प्रहार


माओवादी केन्द्रका नेता तथा पूर्व गृहमन्त्री जनार्दन शर्मा ‘प्रभाकर’माथि रुकुममा एक महिलाले चुनावीसभामै चप्पल प्रहार गरेकी छन् । रुकुमको बाफिकोट गाउँपालिकाको नेटामा शहिद परिवार निर्मला खड्काले चप्पलले हिर्काएको बताइएको छ ।

रुकुमबाट प्रतिनिधसभा सदस्यका उम्मेदवार समेत रहेका शर्मा चुनावीसभामा सहभागीताका लागी बाफिकोट पुगेका बेला आमसभा स्थलमै खड्काले चप्पल प्रहार गरेपछि उनलाई माओवादी केन्द्र निकट वाइसिएलले बेहोस हुनेगरी कुटपिट गरेका छन् ।

वाइसिएलको कुटपिटबाट अशक्त बनेकी खड्कालाई प्रहरीले पक्राउ गरेर लागेको उनका बुबा भक्त खड्काले इमान्दार मिडियालाई टेलीफोन गरेर जानकारी दिएका छन् ।

रुकुमबाट चुनाव जितेर मन्त्री भइसक्दा समेत जिल्लाका शहिद परिवारलाई फर्केर नहेर्ने तर चुनावको बेला मात्रै गाउँ-गाउँ पुगेर भाषण छाट्ने भन्दै खड्काले शर्मामाथि बिहिबार दिउसो ४ बजे चप्पलले हिर्काएकी छन्।

जनार्दन शर्माकै पार्टीले शहिदहरुको सपनामाथि खेलवाड गरेको भन्दै उनि निक्कै आक्रोशित बनेको प्रत्यक्षदर्शीले बताएका छन् । बाफिकोट जनयुद्धकालमा जिल्लाकै सबैभन्दा बढी शहिद भएको गाउँपालिकामा पर्दछ ।

यस्तै उक्त घटनाबारे इमान्दार मिडियाले रुकुमका प्रहरी ड्युटी अफिसरलाई ९८५७८३५५५५ नम्बरमा सम्पर्क गर्दा घटनालाई लुकाउने प्रयास गरेका छन् ।

प्रहरी अफिसरले हामीसंगको कुराकानीमा भने-‘यहाको प्रमुख मै हो । घटना केही भएको छैन । भएको भए खबर मलाइ नै आउने हो । र हामीले कसैलाई गिरफ्तार पनी गरेका छैनौ ।’

यस्तै शर्मामाथि रुकुमको चौरजहारी नगरपालिका–८, को गोइरीमा चुनाव प्रचार प्रसारमा रहेका बेला कार्तिक २४ गते बम प्राहार भएकाे थियो।
प्रकाशित : Friday, November 17, 2017
,

recent

Popular Posts