रिलायन्स फाइनान्सको हकप्रद बिक्री खुला, यी ठाउँबाट आवेदन दिन सकिन्छ

  • अर्थ सरोकार सम्बाददाता 
काठमाडौं - रिलायन्स फाइनान्सको ४५% हकप्रद सेयर बिक्री आजदेखि खुला भएको छ । फाइनान्सले १०ः४.५ अनुपातमा २३ लाख ६ हजार ५७१.६० कित्ता सेयर बिक्री खुला गरेको हो । रिलायन्सले प्रति सेयर मूल्य १०० रुपैयाँ अंकित गरेको छ । पुस २७ गतेसम्म मात्र यो सेयरमा आबेदन दिन पाइनेछ । मंसिर ७ गतेसम्म कायम रहेका सेयरधनीले मात्र यसमा आवेदन दिन सक्नेछन् । 

यो हकप्रदको बिक्री प्रबन्धकको काम सनराइज क्यापिटलले गर्दैछ । लगानीकर्ताले सनराइज क्यापिटल लिमिटेड, कमलपोखरी काठमाडौंबाट हकप्रद भर्न सक्नेछन् । त्यसैगरी, रिलायन्स फाइनान्सको उपत्यका भित्रका प्रदर्शनीमार्ग र न्यूरोड शाखा तथा उपत्यका बाहिरका अधिकांश शाखाबाट पनि आवेदन दिन सकिनेछ । हाल यस फाइनान्सको चुक्ता पुँजी ५१ करोड २५ लाख ७१ हजार ४६८ रुपैयाँ छ । हकप्रद बिक्रीपछि भने चुक्ता पुँजी ७४ करोड ३२ लाख २८ हजार ६२८ रुपैयाँ पुग्नेछ ।
प्रकाशित : Friday, December 08, 2017

recent

Popular Posts