ArthaSarokar.com
Powered by Blogger.

अर्थ सरोकार समूह
'अर्थ सरोकार' शुभम् मिडिया प्रालिद्वारा सञ्चालित एउटा मिडिया अभियान हो । हामी अनलाइनमा अर्थ सरोकार डटकम को रुपमा प्रस्तुत भइरहेका छौं भने टेलिभिजन र रेडियोमा 'अर्थ सरोकार' कार्यक्रमको रुपमा प्रस्तुत भइरहेका छौं ।

अर्थ सरोकार टेलिभिजन कार्यक्रम टिभी टुडे टेलिभिजनमा आइतबारदेखि बिहिबारसम्म बेलुकी ६ :३० बजेदेखि ७ बजेसम्म प्रशारण हुन्छ भने सोहि कार्यक्रम देशभरका विभिन्न रेडियोहरुमा विभिन्न समयमा प्रशारण हुन्छ ।

अनलाइनकै कुरा गर्ने हो भने अर्थ सरोकार डटकम शुभम् मिडिया प्रालिद्वारा सञ्चालित नेपाली भाषाको आर्थिक समाचार पोर्टल हो।

नेपाली आर्थिक मिडियाहरुको भीडमा हामी केहि फरक गर्ने प्रयासका साथ आएका थियौं र सोहि अभ्यासमा छौं । आर्थिक क्षेत्रका सम्पूर्ण समाचार अर्थ सरोकार डटकमका  प्राथमिकता हुन् ।

यो पोर्टल २०७३  साल साउन १ गतेबाट औपचारिक रुपमा संचालनमा आएको हो।



सुरज प्याकुरेल, प्रधान सम्पादक 

पत्रकारितामा स्नातकोत्तर र कानुनशास्त्रमा स्नातक गर्दै गरेका पत्रकार सुरज प्याकुरेल खोजी पत्रकारितामा रुची राख्छन् । धेरै पाठकले पनि उनलाई सोही रुपमै चिनेका छन् । खोजमुलक आर्थिक पत्रकारितामा आफ्नो छुट्टै नाम बनाउन सफल प्याकुरेलले आफ्नो पत्रकारिता यात्रा देशप्रेम साप्ताहिकबाट सुरु गरेका थिए ।

विभिन्न अनलाइन पत्रिकामा कार्यानुभव भएका प्याकुरेलले रातोपाटी डटकम र जनआह्वान साप्ताहिकमा आर्थिक 'बिट'मा काम गरेका छन् भने पहिलोन्यूज डटकम मा आर्थिक ब्युरो प्रमूख र नेप्लिज टाइम्स मासिकमा प्रबन्ध सम्पादक भएर स्थापनाकालदेखि काम गरेका थिए । ऊनी हाल सिए सरोकार डटकम र अर्थ सरोकार डटकम मा प्रधान सम्पादक छन् ।

सन् २०१२ देखि २०१४ सम्म सगरमाथा टेलिभिजन र सन् २०१४ देखि २०१६ सम्म न्यूज २४ टेलिभिजनमा चार्टड एकाउन्टेन्सी सम्बन्धि नेपालको पहिलो र एकमात्र कार्यक्रम सिए सरोकारका कार्यक्रम निर्माता तथा प्रस्तोता भएर काम गरेका प्याकुरेल हाल टिभी टुडे टेलिभिजनमा अर्थ सरोकार टेलिभिजन कार्यक्रम र सिए सरोकार टेलिभिजन कार्यक्रमका निर्माता तथा प्रस्तोताका रुपमा काम गरिरहेका छन् ।

क्यापिटल मिडिया ग्रुप अन्तर्गत काठमाडौँमा क्यापिटल एफएम ९२.४ मेगाहर्ज, पूर्वान्चलमा रेडियो सारंगी १०१.३ र पश्चिमान्चलमा रेडियो सारंगी ९८.३ मेगाहर्जमा समेत कार्यक्रम प्रस्तोता / निर्माता भएर काम गरेका प्याकुरेलले टिभी टुडे टेलिभिजनमा निर्माण गरेको कार्यक्रम देशभरका विभिन्न रेडियोहरुमा समेत प्रशारण भइरहेको छ ।

प्याकुरेल हाल शुभम् मिडिया प्रालिमा प्रबन्ध निर्देशकका रुपमा कार्यरत छन् । सिए क्षेत्रमा 'फुल बिट' पत्रकारिताको सुरुवात गरेकोमा उनी नेपाल चार्टड एकाउन्टेन्ट संघ (एक्यान) बाट सन् २०१४ र सन् २०१६ मा गरी दुई पटक  सम्मानित भईसकेका छन् । इ-मेल : arthasarokarnews@gmail.com, फोन : ९८५१०१७९१४


रेखा ग्वायमरु , सम्बाददाता  
यसअघि नेप्लिज डट ओआरजीमा करिव एक बर्ष काम गरेकी रेखा ग्वायामरु अर्थ सरोकार डटकममा सम्बाददाताको भूमिकामा छिन्  । राजनीतिशास्त्रमा स्नातक गर्दै गरेकी उनी अर्थ सरोकार डटकममा गत साउन १ देखि कार्यरत छिन् । E-mail :arthasarokarnews@gmail.com

भुवन रोका, लेखक / टिप्पणीकार
हाल जापानमा रहेर पत्रकारिता गरिरहेका भुवन रोका, अर्थ सरोकार डटकममा स्थापनाकालदेखि नै कार्यरत छन्  । बिगत लामो समयदेखि नेपालमा शिक्षण पेशामा रहेका उनी जापानमा समेत शिक्षण पेशामा आवद्ध छन् भने अर्थ सरोकार डटकमका लागि पनि काम गरीरहेका छन् । उनले सन् २०१५ मा जापानमा सर्वोत्कृष्ट शिक्षकको अवार्ड समेत हात पारेका छन् । उनले स्नातकोत्तरसम्मको अध्ययन गरेका छन् ।

यसअघि,  
दीक्षा कट्टेल
यसघि २०७३ साल साउन १ गतेदेखि २०७३ भाद्र ३१ गतेसम्म दीक्षा कट्टेल अर्थ सरोकार डटकममा सम्बाददाताको रुपमा कार्यरत थिइन्  । नेपालको कानून र कम्पनीको नीति विपरित काम गरेको पाईएपछी उनलाई भाद्र ३१ गते कार्यालयले बर्खास्त गरेको थियो  । 

सबिना बानियाँ:
सबिना बानियाँले अर्थ सरोकार डटकममा प्रशिक्षार्थी भएर २०७१ असोजभर काम गरी प्रशिक्षण समय सकी अनलाइनबाट बिदा भएकी थिइन् । प्रशिक्षणका समयमा उनी निकै मेहेनती र काममा इमान्दार पाइएको थियो । अर्थ सरोकार डटकम उनको उज्वल भविष्यको कामना गर्दछ ।