- अर्थ सरोकार सम्बाददाता
काठमाडौं – चालु आर्थिक वर्षको तेस्रो त्रैमासमा एनएमबि माइक्रोफाइनान्स वित्तीय संस्थाले ३ करोड ५२ लाख ६२ हजार रुपैयाँ खुद नाफा कमाएको छ । एनएमबिको खुद नाफा गत वर्ष यही अवधिको तुलनामा ७२.२१% ले बढेको हो । यसको खुद ब्याज आम्दानी पनि ८३.८८% ले बढेर १० करोड ३२ लाख १५ हजार रुपैयाँ पुगेको छ । गत वर्ष खुद ब्याज आम्दानी ५ करोड ६१ लाख ३२ हजार रुपैयाँ मात्र थियो । एनएमबि माइक्रोफाइनान्सले तेस्रो त्रैमाससम्म आइपुग्दा ३३ करोड ८५ लाख ९३ हजार रुपैयाँ निक्षेप संकलन गरेको छ भने १ अर्ब ५७ करोड ८३ लाख ५ हजार रुपैयाँ कर्जा प्रवाह गरेको छ ।
एनएमबिले निष्कृय कर्जालाई ०.८८% मा सीमित राखेको छ । गत वर्ष निष्कृय कर्जा १.३०% थियो । यो त्रैमासमा एनएमबिको सेयर पुँजी १० करोड ९६ लाख १५ हजार रुपैयाँ छ । गत वर्ष सेयर पुँजी ४ करोड ६० लाख रुपैयाँमात्र थियो । यस आधारमा माइक्रोफाइनान्सको सेयर पुँजी एक वर्षमा १३८.२९% ले वृद्धि भएको छ । कम्पनीको रिजर्भ कोषमा ५ करोड ६८ लाख १२ हजार रुपैयाँ जम्मा भएको छ । एनएमबिको प्रतिसेयर आम्दानी (वार्षिक) ४२ रुपैयाँ ८९ पैसा र प्रतिसेयर नेटवर्थ १५१ रुपैयाँ ८३ पैसा छ ।
