• अर्थ सरोकार सम्बाददाता 

काठमाडौँ – कुनै समानमा १०० रुपैयाँ नाफा राखेर २ रुपैयाँ छुट र ३ रुपैयाँको उपहार राख्दा दङ्ग हुने नेपाली प्रवृतिलाई हुन्डाईले ठगी खाने काइदा बनाएको छ । एउटा टक्सन गाडीमा २५ लाख कुम्ल्याउने कम्पनीले अहिले विराटनगर, बुटवल, धनगढी र नारायणगढस्थित हहुण्डाई शो-रुमहरूमा तीन दिने एक्सचेञ्ज कार्यक्रम आयोजना गरेको छ । नेपालका लागि हुण्डाई गाडीको आधिकारीक बिक्रेता रहेको र लामो समयदेखि नेपाली जनतालाई ठगेर नियम विपरित नाफा खाँदै जनता लुट्न पल्किएको लक्ष्मी इन्टकन्टिनेन्टल प्रालि नामक कम्पनीले कार्यक्रम गरेको हो ।

अर्थ सरोकार डटकमलाई प्राप्त जाकारी अनुसार गत जेठ ८ गते सोमबारदेखि जेठ १० गते बुधबार सम्म सञ्चालन गरिएको छ । कार्यक्रममा जनता ठग्न कम्पनीले आफ्ना ग्राहकसामु नगद छुट, स्पट एक्सचेञ्ज, भ्यालुएसन र एक्सचेञ्ज बोनस हरेक गाडिको बिक्री सँगै प्रदान गरेको थियो । एउटा गाडीमा नै नेपालको ऐन विपरित नाफा खाने कम्पनीले आफुलाई ठगेको कति जनताले पत्तो पाएनन् भने अहिकांस जनताले त ठग कम्पनी बहिस्कार गरौँ भन्दै उक्त कार्यक्रममा भाग नै लिएनन् । 

अझ कम्पनीले यो हदसम्मको नाटक गरेको छ कि कार्यक्रम अवधिमा प्रत्येक स्थानबाट टेष्ट ड्राइभ गरेकामध्ये लक्की ड्रबाट एक/एक भाग्यशाली ग्राहकलाई कुलप्याड कुल १ स्मार्टफोन प्रदान गरिनेछ । एक थान मोबाइल पाउँदा कम्पनीले आफुलाई कति लुटेको छ भन्ने थाहा नपाउँदा सोझा जनतालाई कम्पनीले लुटीरहेको छ ।