झडपका क्रममा प्रहरीले ११ राउन्ड रबरका गोली र ३ दर्जनअश्रुग्यास प्रहार गरेको बताइएको छ। प्रहरीले चलाएको रबरको गोली लागि राजपाका गेरमीका सुरेश गुप्ता, नर्सिह चौधरी र नर्सहीका भगवन्त गुप्ता घाइते भएका छन् । अर्का एक जनाको नाम खुल्न सकेको छैन । उनीहरुको परासी अस्पतालमा उपचार भइरहेको छ भने सबैको अवस्था सामान्य रहेको असपताल स्रोतले जनाएको छ ।

प्रहरीले राजपा केन्द्रीय सदस्य रामअवतार कोइरी, करमहुसेन अन्सारी, महातम गौड, नाथुसिंह थापा क्षेत्रिय सभापति रामपृत यादवसहित दर्जनभन्दा बढी नेता-कार्यकर्तालाई पक्राउ गरेको छ । सरकारसँगको बार्ता विफल भएपछि राजपाले जेठ २८ गते दोस्रो चरणको चुनावलार्इ असर पर्ने गरी आम हड्तालसहितका आन्दोलनका कार्यक्रम घोषणा गरेको थियो ।