- अर्थ सरोकार सम्बाददाता
काठमाडौँ – अरुको खातामा पैसा जम्मा गर्न जाँदा अव जम्मा गर्नेको समेत परिचयपत्रको प्रतिलिपि बैंकले रकहने भएको छ । साउन १ गतेदेखि लागु हुनेगरी यस्तो नियम आएको हो । १ लाख भन्दा बढी रकम बैंकमा डिपोजिट गर्दा अनिवार्य रुपमा डिपोजिटकर्ताले समेत आफ्नो परिचय खुलाउनुपर्ने भएको हो ।
सम्पत्ति शुद्धिकरणलाई प्रभावकारी बनाउने नीति अनुरुप ग्राहक पहिचान गर्ने उद्देश्यले राष्ट्र बैंकले सर्कुलर गरेको नयाँ निर्देशिका अब कार्यान्वयन हुन लागेको हो ।
आजैबाट १० लाख भन्दा बढी नगदी कारोबार गर्न नपाइनेसमेत भएको छ । १० लाख वा सो भन्दा बढी रकमको कारोबार गर्दा अनिवार्य रुपमा चेकबाट गर्नुपर्ने भएको छ ।
