प्रचण्डले बैद्य पनि फर्किन तयार भएको र नेत्रबिक्रम चन्द बिप्लवसँग पनि छलफल चलिरहेको भट्टराईलाई बताएका छन् । हाम्रो मिशन अझै पुरा भएको छैन, प्रत्यक्ष निर्वाचित कार्यकारीको मुद्दालाई निस्कर्षमा पुराउन पनि तपाई पार्टीमा फर्किन आवश्यक छ – प्रचण्डले भने । दाहालले पार्टीमा फर्किन आग्रह गरेपनि भट्टराइले तत्काल फर्किने सम्भावना नरहेको बताए । दुई पार्टीबीचको एकता आवश्यकता भएपनि माओवादी केन्द्रले लिएको अहिलेको नीति ठिक नभएको भट्टराईले बताएका थिए ।