अब बम र हतियारले देशलाई फाइदा गर्दैन : नेता पुन

दाङ - नेकपा माओवादी केन्द्रका नेता वर्षमान पुनले अब बम र हतियारले देशलाई फाइदा नगर्ने बताएका छन । प्रेस सेन्टर र प्रेस चौतारी दाङले आज घोराहीमा आयोजना गरेको पत्रकार भेटघाटमा पूर्वअर्थमन्त्री पुनले हिजो सँगै हतियार उठाएका मित्र नेत्रविक्रम चन्द समूहले अहिले गलत समयमा फेरि हतियार उठाएको भन्दै गुनासो पनि गरे ।

“हिजो आवश्यकता थियो र हामीले सँगै हतियार उठायौंँ तर अहिले यही संविधानबाट समाजवाद साम्यवादसम्म पुग्न सकिने ठाउँ छ”, पुनले भने । नेकपाको हतियार अराजकता र अपराधीकरणका लागि प्रयोग हुन थालेको भनी उहाँले चिन्ता व्यक्त गरेका छन ।

“नेकपाका गतिविधि आपराधिक र अराजनीतिक भइरहेका छन्,” पुनले भन्नुभयो, “हिजो जनयुद्धमा आमसभामा कतै बम विस्फोट भएको थिएन तर अहिले सभाबाट बम हान्न शुरु भएको छ । यो राजनीतिक काम भएन ।” सरकारले बम पड्काएर मान्छे मार्दा पनि केही गर्न नसकेको भनी पुनले आक्रोश व्यक्त गरे ।
प्रकाशित : Wednesday, November 29, 2017
,

recent

Popular Posts