अख्तियार दुरुपयोग अनुसन्धान आयोगको विशेष टोलीले वैदेशिक रोजगार विभागका शाखा अधिकृत कृति वल्लभ पौडेललाई दश लाख रुपैयाँ घुससहित पक्राउ गरेको छ । पौडेलसँगै विभागकै नायव सुब्बा खड्गबहादुर केसी पनि पक्राउ परेका हुन् ।
मंगलबार राति ८ बजे नयाँ बानेश्वरस्थित इन्द्रेणी फुडल्याण्डबाट पौडल र केसीलाई पक्राउ गरिएको हो । वैदेशिक रोजगार न्यायाधीकरणमा विचाराधीन मुद्दा मिलाइदिने भन्दै उक्त रकम लिएको प्रारम्भिक अनुसन्धानमा खुलेको छ ।
दुबै जनालाई रकम बुझिसकेपछि फुडल्याण्डकै रेष्टुरेन्टमा खाजा खाइरहेको अवस्थामा राति ८ बजे अख्तियार टोलीले पक्राउ गरेको हो । घटनामा अन्यको संलग्नताबारे अनुसन्धान भइरहेको अख्तियारले जनाएको छ ।
