सयौँलाई ठगी भारतीय नागरिक बेपत्ता

पोखरा - पोखराको सिर्जनाचोकमा अक्सिजन ट्रेडर्सको नामबाट व्यापार गर्दै आएका एक भारतीय नागरिकले सयौँ ग्राहकलाई ठगेर बेपत्ता भएका छन् ।

ब्यापारी  राजेन्द्र थेङ्वेलले सस्तो मूल्यमा इलेक्ट्रोनिक्स तथा फर्निचरलगायतका सामान उपलब्ध गराइदिन्छु भन्दै अग्रिम भुक्तानी लिएका थिए । ग्राहकहरु समान लिन आउदा ब्यापारी नपाएपछि ग्राहकहरु विचल्लीमा परेका हुन् । बजार मूल्यभन्दा ३० प्रतिशत सस्तोमा उपलब्ध गराउने आश देखाएर ग्राहकले रु एक लाखदेखि रु एक लाख ५० हजारसम्म रकम अग्रिम भुक्तानी गरेका र सोमबार सबैलाई तोकिएका सामान उपलब्ध गराउने भनेकाले पसलमा आउँदा बन्द देखेपछि सबै आश्चर्यचकित भएका थिए ।

जिल्ला प्रहरी कार्यालयका प्रवक्ता प्रहरी नायब उपरीक्षक खड्गबहादुर खत्रीले अक्सिजन ट्रेडर्सका मालिक राजेन्द्रले ग्राहकलाई ठगेर बेपत्ता भएको उजुरी कार्यालयमा परेको र निजको खोजी कार्य भइरहेको जानकारी गराउनुभयो ।
प्रकाशित : Monday, December 18, 2017

recent

Popular Posts