वीरगन्जबाट आयो प्रचण्डको हात काट्ने धम्की, बुधबारबाटै माकेका कार्यकर्तालाई लखेट्ने घोषणा


काठमाडौँ - माओवादी केन्द्र र नेकपा एमालेबीच एकीकरणको कुरा भइरहेका बेला माओवादी केन्द्रका अध्यक्ष प्रचण्डको हात काट्ने धम्की आएको छ । संघीय समाजवादी फोरम नेपालले प्रचण्डको हात काटिदिने धम्की दिएको हो । फोरमा नेपालले प्रचण्डविरुद्ध मंगलबार वीरगन्जमा प्रदर्शन समेत गरेको छ ।

प्रचण्डले पर्साको ठोरीलाई प्रदेश नम्बर–३ मा गाच्ने अभिव्यक्ति दिएको भन्दै विरोधमा संघीय फोरमले प्रदर्शन गरेको छ । चितवन–३ बाट प्रतिनिधिसभा सदस्य निर्वाचित प्रचण्डले ठोरीमा मंगलबार भएको सभालाई सम्बोधन गर्दै माडीसँगै जोडिएको विकट ठोरीलाई प्रशासनिक सुगमतालाई मध्यनजर गर्दै प्रदेश–३ मा गाभ्न सकिने विचार व्यक्त गरेका थिए । विरोधपघि घण्टाघर चोकमा भएको सभालाई सम्बोधन गर्दै फोरमका पर्सा उपाध्यक्ष सुन्दर कुर्मीले ठोरीलाई प्रदेश–२ बाट अलग गरेर ३ मा गाभ्ने अभिव्यक्ति दिनेको हाट काटिदिने धम्की दिए ।

उता ठोरीकै जनता भने विगत लामो समयदेखि चितवनमा गाभिनुपर्ने माग गर्दै आन्दोलनमा छन् । साविकको ठोरी, निर्मलवस्ती र सुर्वणपुर गाविस मिलाएर हाल ठोरी गाउँपालिका बनेको छ । माओवादी केन्द्र पर्साले प्रचण्डलाई दिएको धम्कीप्रति अपत्ति जनाउँदै हात दही जमाएर नबस्ने चेतावनी दिएको छ ।
प्रकाशित : Wednesday, December 27, 2017
,

recent

Popular Posts