सिभिल बैंकको शाखा मोरङको बिराटचोकमा

काठमाडौं - सिभिल बैंक लिमिटेडले मोरङको बिराटचोकमा शाखा संचालनमा ल्याएको छ । बैंकको मर्जरबाट प्राप्त भएको शाखा सहित ईटहरीमा भएको दुई शाखामध्येको एक शाखालाई स्थानान्तरण गरी बिराटचोकमा संचालनमा ल्याएको बैंकले जनाएको छ । एक कार्यक्रमकाबीच सिभिल बैंकका संचालक प्रा.डा. रमेश दाहालले उक्तशाखाको उद्घाटन गरे ।

उक्तशाखाको उद्घाटन समारोहमा बैंकका प्रमुखकार्यकारी अधिकृत तथा सो क्षेत्रका उद्योगी व्यवसायीलगायत विशिष्ट ब्यक्ति तथा सर्वसाधरणको बाक्लो उपस्थिति थियो ।

सिभिल बैंकले सामाजिक उत्तरदायित्वको वहनसंगसंगै आफ्ना ग्राहकवर्ग तथा अन्य सम्पूर्ण सरोकारवालाहरुको हितलाई ध्यानमा राखी आफ्ना सेवा सुविधालाई परिस्कृत गर्दै लैजाने र आफ्नो पहुँचलाई विस्तार गर्दै व्यवसाय अभिवृद्वि गर्दै जाने कुरा बैंकका प्रमुख कार्यकारी अधिकृत गोविन्द गुरुङले बताए ।

चालु आर्थिक वर्षको प्रथम चौमासमा रु ११ करोड ३३ लाख (जुनपहिलो वर्षको यसै अवधिको तुलनामा ६७९.१८% को बृद्धी हो) खुद नाफा कमाउन सफल भएको यस बैंकले शेयर धनीहरुलाई ४०% हकप्रद शेयरको निस्कासन गरीसकेको छ । हकप्रद शेयर वितरण पश्चात बैंकको पुँजीकोषमा रहेको रकम र गतआ.व.को नाफाबाट बैंकको चुक्तापुँजी रु ८ अर्बपु¥याउने योजना रहेको छ ।
प्रकाशित : Sunday, January 07, 2018

recent

Popular Posts