ओली बैंकक भ्रमण जाँदै, यस्ता छन् भित्री कारण

काठमाडौं - अब आउने पुस २६ गते नेकपा एमालेका अध्यक्ष केपी शर्मा ओली बैंकक जाने भएका छन् । उनी मृगौला प्रत्यारोपणपछि नियमित बैंकक गएर स्वास्थ्य परीक्षण गराइरहेका छन् । अहिले पनि उनी नियमित स्वास्थ्य परीक्षणका लागि बैंकक प्रस्थान गर्न लागेका हुन् ।

तर, यो पटकको बैंकक भ्रमणमा ओलीले एकै पटक तीन काम गर्ने भएका छन् । नियमित स्वास्थ्य परीक्षणसँगै उत्तर र दक्षिणसँग भेटवार्ता पनि हुने बताइएको छ ।

हुन त नेपाली नेताहरु उत्तर वा दक्षिणी छिमेकीसँग गम्भीर वार्ता गर्नु पर्दा बैंककलाई जाँदै आएका छन् । पछिल्लो पटक पूर्वराजा ज्ञानेन्द्रले पनि त्यो सिकेका छन् । उनले पनि बैंककलाई वार्ता स्थल बनाएका छन् ।

यो पटक ओलीले पनि स्वास्थ्य परीक्षणसँगै दक्षिण र उत्तरका उच्च अधिकारीसँग नयाँ सरकार र पार्टी एकताबारे भेटवार्ता गर्ने भएका छन् ।

ओलीले कही दिनयता सार्वजनिक कार्यक्रम र भेटघाट बन्द गरेका छन् । वाम गठबन्धनको घोषणा यता निकै व्यस्त रहेका ओली करिब एक सातादेखि निवासमै आराम गरिरहेको बताइन्छ ।

ओलीको स्वास्थ्य अवस्थालाई देखाउँदै एमालेले पार्टी एकता र नयाँ सरकारको छलफललाई थाती राखेको छ । एमाले र माकेबीच हुने भनिएको एकता पुस महिनाभरी छलफल पनि नहुने बताएको छ ।
प्रकाशित मिति : Friday, January 05, 2018

recent

Popular Posts

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal