प्रचण्ड पत्नी सीता उपचारका लागि दिल्ली जादै

काठमाडौँ - माओवादी अध्यक्ष प्रचण्ड पत्नी सीता दाहाल अस्वस्थ भएको कारणले गर्दा उपचारका लागि दिल्ली जाँदैछिन् । उनी आइतबार नियमित स्वास्थ्य जाँचका लागि दिल्ली प्रस्थान गर्न लागेकी हुन् । प्रचण्ड पत्नी सीता दाहालको केही महिनाअगाडि मात्रै पनि बैंककमा उपचार गरिएको थियो । 

बुवा जानुहुन्न, हामी जाँदै छौं,’ भरतपुर महानगरकी मेयर रेणुले भनिन्, ‘मेदान्तमा आमाको फलोअप उपचार हुन्छ । डाक्टरको सल्लाहका आधारमा उपचार गरेर फर्किन्छौं ।’

उनी मधुमेह, उच्च रक्तचापलगायत रोगका कारण लामो समयदेखि बिरामी अवस्थामा छिन् । विकसित राजनीतिक घटनाक्रमका कारण दाहाल भने पत्नी सीताका साथ उपचारमा सहभागी हुने छैनन् ।

सीताको उपचारका लागि पहिलोपटक दाहालले दुई छोरी रेणु र गंगालाई पठाउन लागेका हुन् । यता प्रचण्डको सचिवालयले पनि उनलाई उपचारका लागी दिल्ली लैजान लागिएको पुष्टि गरेको छ ।
प्रकाशित : Sunday, January 14, 2018
,

recent

Popular Posts