प्रधानमन्त्री ओलीविरुद्धको रिटको सुनवाई न्यायाधीश शाहीको बेन्चमा

काठमाडौँ  – प्रधानमन्त्री केपी शर्मा ओलीको पद खारेज सहितको माग राख्दै बुधबार सर्वोच्च अदालतमा दर्ता भएको रिट निवेदनको पहिलो सुनवाई ३ नम्बर इजलासमा हुने भएको छ ।

शुक्रबार सर्वोच्च अदालतका न्यायाधीश डम्बरबहादुर शाहीको एकल इजलासमा सो रिट निवेदनको पहिलो सुनवाई हुने भएको हो ।

अधिवक्ता यज्ञमणि न्यौपानेले उत्प्रेषणको आदेशले प्रधानमन्त्री ओलीको पद खारेजीको माग राख्दै बुधबार रिट निवेदन दर्ता गराएका थिए । सर्वोच्चले शुक्रबार न्यायाधीश शाहीको एकल इजलासमा सुनवाईका लागि पेशी तोकेको हो ।

अधिवक्ता न्यौपानेले सर्वोच्च अदालतले यसअघि राखेको धारणा विपरित ओलीले संसदकै सपद नलिई प्रधनमन्त्रीको सपथ लिएको जिकिर रिट निवेदनमा गरेका हुन् । निवेदनमा नेपालको संविधान २०७२ को धारा ७६ अनुसार मन्त्रीपरिषद् गठनको मर्म विपरित संघीय संसदको सदस्य पदको सपथ नलिदै प्रधानमन्त्रीको सपथ लिनु संविधान विपरित भएकोले खारेज गर्न माग गरेका हुन् ।
प्रकाशित : Friday, March 09, 2018
,

recent

Popular Posts