जनता बैंकले एकैसाथ विस्तार गर्यो आठ नयाँ शाखा

आर्थिक बर्षको सुरुदेखि नै शाखा विस्तारमा निरन्तरता दिएको जनता बैंक नेपाल लिमिटेडले एकै साथ आठ नयाँ शाखाबाट कारोबार सुरु गरेको छ । बैंकले पाल्लाको रामपुर न.पा. ५, कैलालीको टिकापुर न.पा. १, स्याङ्जाको वालिङ न.पा. ८, काठमाडौँको महाराजगंजशाख, ललितपूरको ग्वार्को, रुपन्देहीको तिलोतमा न.पा. ५, नयाँमिल, नवलपरासीको बिनयी त्रिवेणी गाउँपालिका १, दुम्किबास शाखा, र बर्दियाको ठकुरबाबा न.पा.वडा नं. १, भुरीगाँउमा नयाँ शाखा स्थापना गरी कारोबार सुरु गरेको हो ।

उल्लेखित शाखामध्ये रामपुर, टिकापुर र वालिङ शाखाको कारोबार चैत्र १५ गते देखि र बाँकी ५ शाखाको कारोबर १६ गते देखि सुरु गरिएको बताइएको छ । यससँगै बैंकको शाखा संख्या १०६ पुगेको पुगेको छ । कुल शाखामध्ये, काठमाडौं उपत्यकामा १७ शाखाहरु रहेका छन् । यस अतिरिक्त बैंकले ३३ शाखारहित बैंकिङ्ग, २ सीमित बैंकिङ्ग ईकाइ, ३ एक्सटेन्सन काउन्टर र ६९ एटिएमबाट सेवा प्रदान गरिरहेको छ । 

बैंकको हाल रु. ५३ अर्ब २४ करोड निक्षेप र रु. ४९ अर्ब ८२ करोड कर्जा कारोबार रहेको छ । बैंकले आ.ब. २०७३/७४ को मुनाफाबाट बोनस सेयर वितरण गरेपश्चात चुक्ता पुँजी आठ अर्ब सात लाख रुपैयाँ पुगेको छ ।
प्रकाशित : Sunday, April 01, 2018

recent

Popular Posts