झापाको दमकमा कैलाश विकास बैङ्कको शाखा

काठमाडौं - देशका विभिन्न भेगमा सेवा सञ्चालन गर्ने क्रममा कैलाश विकास बैङ्कले सोमवार झापाको दमकमा शाखा सञ्चालन गरेको छ । दमक नगरपालिकाका प्रमुख रोमनाथ ओलीले एक समारोहबीच उक्त शाखाको उद्घाटन गरेका हुन् । 

देशका सबै स्थानीय तहमा वित्तीय संस्था खोल्ने नेपाल राष्ट्र बैङ्कको नीतिअनुरूप बैङ्कले हालै विराटनगरमा समेत शाखा सञ्चालन गरेको थियो । उक्त शाखाबाट विभिन्न प्रकारका निक्षेप तथा कर्जा सुविधाका साथै एबीबीएस, मोबाइल बैङ्किङलगायत आधुनिक बैङ्किङ सुविधा उपलब्ध हुने बैङ्कले जानकारी दिएको छ । बैङ्कले देशका विभिन्न भागमा ४७ शाखा तथा २२ एटीएम काउण्टरमार्फत बैङ्किङ सेवा प्रदान गर्दै आएको छ ।

दमक शाखा सञ्चालनले यहाँका व्यवसायी तथा सर्वसाधारणलाई वित्तीय कारोबार गर्न सहज हुने बैङ्कका प्रमुख कार्यकारी अधिकृत अमृतचरण श्रेष्ठले बताए । स्थानीय तहमा छरिएर रहेको बचत परिचालन गरी सोही क्षेत्रका उद्योग व्यवसायमा टेवा पु¥याउने उद्देश्यले शाखा सञ्चालन गरिएको उनको भनाइ छ ।
प्रकाशित : Tuesday, April 10, 2018

recent

Popular Posts