महालक्ष्मी विकास बैंकद्वारा धनगढीमा निःशुल्क स्वास्थ्य परिक्षण तथा रक्तदान कार्यक्रम

काठमाडौं - संस्थागत सामाजिक उत्तरदायित्व अन्तर्गत विभिन्न शाखाहरुबाट विभिन्न कार्यक्रमहरु संचालन गर्दै आइरहेको महालक्ष्मी विकास बैंक लि.को धनगढी शाखाले गत शनिबार निःशुल्क स्वास्थ्य परिक्षण र रक्तदान कार्यक्रम सम्पन्न गरेको छ । बैंकका निवर्तमान संचालक मोतिसिंह धामीको सभापतित्वमा संचालन भएको कार्यक्रममा, प्रदेश नं. ७ का आर्थिक मामिला तथा योजना मन्त्रालयका माननीय मन्त्री श्री झपट बोहरा प्रमुख अतिथि रहेका थिए ।

सामाजिक विकास मन्त्रालयमा कार्यरत डा. चेतराज जोशीले सभापति र प्रमुख अतिथिको रक्तचाप जॉच गरि उदघाटन गरिएको सो कार्यक्रममा १६५ जनाले निःशुल्क स्वास्थ्य परीक्षण र शाखा प्रबन्धक चेतराज पाण्डेय लगायत २६ जनाले रक्तदान गरेका थिए ।

बैंकले आगामी दिनहरुमा पनि सामाजिक उत्तरदायित्व अन्तर्गत अझ प्रभावकारी कार्यक्रमहरु गर्दै जाने प्रतिबद्घता जनाएको छ ।
प्रकाशित : Tuesday, April 03, 2018

recent

Popular Posts