११ यातायात समितिलाई तनाव, अब मयुरसँगै साझा यातायात पनि बनेपासम्म जाने

काठमाडौँ – विभिन्न ११ यातायात व्यवसायी समूहहरुले कोटेश्वरबाट पूर्व तर्फ सवारी नचलाउँदा यात्रु मारमा परेका छन् ।

सिन्डिकेट पक्षधरहरुले सवारी नचालाएर आन्दोलनमा उत्रिएसँगै सरकारले अन्य व्यवसायी तथा कम्पनीलाई काठमाण्डुबाट धुलिखेलसम्म रुट इजाजत लिन आउन आह्वान गरेको छ । काठमाण्डुबाट धुलिखेसम्म गाडी चलाउन चाहनेले प्रक्रिया पुरा गरेर आए आजै रुट परमिट दिने सरकारी तयारी छ ।

यसैबीच साझा यातायातले रत्नपार्कदेखि वनेपासम्म बस सञ्चालन गर्ने तयारी गरेको छ । अरनिको यातायातका ११ व्यवसायी समितिले बस रोकेपछि साझाले आफ्ना बस उत्त रुटमा चलाउने भएका हुन् ।

साझाले १६ वटा बसलाई बनेपासम्म सञ्चालन गर्न लागेको हो । अहिले साझाका बस भक्तपुरको साँगासम्म पुग्छ ।

मयुर यातायातले रुट परमिट लिएर काठमाण्डु बनेपा रुटमा बस चलाउने अनुमति पाएपछि अन्य ११ वटा समितिले बस चलाउन छाडेका हुन् । उनीहरुले सावरी नचलाउँदा भक्तपुर र धुलिखेल सम्म पुग्ने यात्रु मर्कामा परेका छन् ।
प्रकाशित : Wednesday, April 04, 2018

recent

Popular Posts